O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti

Akkreditasiyani amalga oshirish 
Akkreditasiya akkreditasiya qilinishga talabgor bo‘lgan yuridik shaxslarning 
vakolatli ekanligini tasdiqlash maqsadida amalga oshiriladi. 
Akkreditasiya akkreditasiya qilinishga talabgor bo‘lgan yuridik shaxslar 
tomonidan ishlab chiqilgan hujjatlarning tahlili va ekspertizasini, olingan dalillarni 
tekshiruvlar o‘tkazish yo‘li bilan baholashni o‘z ichiga oladi. 
Muvofiqlikni deklaratsiyalash 
Muvofiqlikni 
deklaratsiyalash
— mahsulotning normativ-huquqiy 
hujjatlari, shuningdek texnik jihatdan tartibga solish sohasidagi normativ hujjatlar 
talablariga muvofiqligini ishlab chiqaruvchi, sotuvchi yoki ijrochi tomonidan 
tasdiqlash. 
Muvofiqlikni deklaratsiyalashda muvofiqlikni tasdiqlash qoidalari, tartibi va 
usullari texnik jihatdan tartibga solish sohasidagi tegishli normativ hujjatlarda 
belgilanadi. 
Agar muvofiqlikni deklaratsiyalashda muvofiqlikni tasdiqlash qoidalari, 
tartibi va usullarida mahsulot sinovini o‘tkazish zarur ekanligi belgilangan bo‘lsa, 
bunday sinov akkreditasiya qilingan sinov laboratoriyasi (markazi) tomonidan 
ishlab chiqaruvchi, sotuvchi yoki ijrochi bilan tuzilgan shartnoma asosida 
o‘tkaziladi.