O‘zbekiston respublikasi oliy va o‘rta maxsus ta’lim vazirligi islom karimov nomidagi toshkent davlat texnika universiteti

Nazorat savollari 
1. “Oziq-ovqat mahsulotining xavfsizligi” deganda nimani tushunasiz. 
2. Yangi oziq-ovqat mahsulotini yaratish va ishlab chiqarish tartibini tushuntiring. 
3. Oziq-ovqatlarni qadoqlash, o‘rash va tamg‘alashga talablarni izohlang. 
4. O‘zbekiston Respublikasi hududiga oziq-ovqat mahsulotini olib kirish tartibini 
tushuntiring. 
17-AMALIY MASHG‘ULOT 
 
STANDARTLASHTIRISH BO‘YICHA XALQARO TASHKILOT (ISO) 
(2 soat) 
 
Reja: 
1. ISO tarixi. 
2. ISO nashrlari. 
3. ISO faoliyati 
4. Xulosa. 
Tayanch so‘zlar:
ISO, standart, konsensus, standartni ishlab chiqish, milliy 
standartlashtirish organi. 
Zamonaviy pedagogik texnologiya elementlaridan, masalan interaktiv 
metodini qo‘llab dars o‘tiladi.

---

99 
Darsda texnik vosita va ko‘rgazmali qurollardan keng foydalaniladi 
(kodoskop, proyektor, plakat va hokazo). 
Talabalar tarqatma materiallar bilan ta’minlanadilar. 
Talabalar mustaqil fikrlashi uchun to‘la sharoit yaratiladi. 
1. ISO TARIXI 
Standartlashtirish bo‘yicha xalqaro tashkilot (ISO) 1946-yilda Birlashgan 
Millatlar Tashkiloti (BMT) ning standartlarini muvofiqlashtirish bo‘yicha BMT 
Qo‘mitasining majlisida yaratilgan. Shu yilning o‘zida Bosh assambleyaning 
majlisida ISO ning Ustavi qabul qilindi. Bu Ustav tashkilotning statusi (huquqiy 
mavqei) ni, tuzilmasini, asosiy idoralar vazifalari va ish usullarini belgiladi. 
14 oktyabr 1946 – yilda bo‘lib o‘tgan ISO Bosh assambleyasi qabul qilgan 
qaroriga ko‘ra, bu tashkilot Ustav va protseduralarining Qoidalari 15 ta 
standartlashtirish bo‘yicha milliy tashkilotlar tomonidan ratifikatsiya qilingan 
(tasdiqlangan) dan keyin o‘z faoliyatini rasmiy ravishda boshlaydi, deb 
ko‘rsatilgan. 15 – ratifikasitya 23 fevral 1947 – yilda Daniyadan keldi – bu sana 
ISO ning tashkil etilish kuni deb hisoblanadi. ISO ning Ustavida yozilishicha, 
“Tashkilotning vazifasi xalqaro mol almashinish va o‘zaro yordamini 
yengillashtirish, shuningdek intellektual, ilmiy, texnik va iqtisodiy faoliyat 
doirasida hamkorlikni kengaytirish uchun butun dunyoda standartlashtirishni 
rivojlantirishga ko‘maklashishdan iborat”