O‘zbekiston respublikasi oliy va o‘rta maxsus ta’lim vazirligi mirzo ulug‘bek nomidagi o‘zbekiston milliy universiteti huzuridagi pedagog kadrlarni qayta tayyorlash va ularning malakasini oshirish tarmoq (mintaqaviy )markazi

KIRISH
Bitiruv ishi mavzusining dolzarbligi va uning asoslanishi: Respublikamizning hozirgi davrdagi ijtimoiy-iqtisodiy rivojlanish tamoyillari jahondagi taraqqiy etgan mamlakatlar qatoridan munosib o‘rin olish uchun maъnaviy salohiyatimizni va iqtisodiy qudratimizni yanada oshirish, ularni yangi asr ilmiy-texnika taraqqiyoti talablariga javob beradigan tarzda qayta qurishni talab qiladi. Bunday murakkab ijtimoiy vazifani hal etishda boshqa fanlar bilan bir qatorda ilmiy asosga qurilgan milliy pedagoglar zimmasiga katta maъsuliyat tushadi. Ertangi kunimizning egasi bo‘lgan yosh avlodning hayotga nechog‘lik faol munosabatda bo‘lishi, unda qanday maъnaviy fazilatlar shakllanishi va qanday oliy maqsadlarga xizmat qilishi bugungi taъlim va tarbiya jarayoniga bog‘liqdir. Davlatimizning taъlim sohasidagi siyosati milliy tajribaning tahlili va taъlim tizimidagi jahon miqyosidagi yutuqlar asosida tayyorlangan hamda yuksak umumiy va kasb-hunar madaniyatiga, ijodiy va ijtimoiy faollikka, ijtimoiy-siyosiy hayotda mustaqil ravishda mo‘ljalni to‘g‘ri ola bilish mahoratiga ega bo‘lgan, istiqbol vazifalarini ilgari surish va hal etishga qodir kadrlarning yangi avlodini shakllantirishga yo‘naltirilgandir.
O‘zbekiston Respublikasining “Ta’lim to‘g‘risida”gi Qonuni va «Kadrlar tayyorlash milliy dasturi»da uzluksiz ta’lim tizimi oldiga har tomonlama kamol topgan, ta’lim va kasb-hunar dasturlarini ongli ravishda tanlagan, jamiyat, davlat va oila oldidagi o‘z javobgarligini his etadigan fuqarolarni tarbiyalash kabi davlat buyurtmalari qo‘yilgan. Mazkur davlat buyurtmasi oliy o‘quv yurtida tashkil etiladigan ta’lim-tarbiya jarayonidan talaba shaxsini rivojlantirish, bilimlarni ongli o‘zlashtirish va kelgusida ulardan ongli foydalanishni o‘rgatish, raqobatbardosh kadrlarni tarbiyalash kabi vazifalarni talab qiladi. Ushbu vazifalarni hal qilish oliy ta’limda o‘qitiladigan barcha fanlar qatori biologiya fanlarining ham zimmasiga yuklatiladi.
Davlat ta’lim standartlari asosida biologiya tizimidagi fanlar qatorida “bionorganik kimyo” fanini o‘qitish jarayonini hamkorlik pedagogikasi va zamonaviy pedagogik texnologiyalardan foydalangan holda tashkil etish bugungi kunning dolzarb vazifalaridan hisoblanadi.
Bitiruv ishi mavzusining ob’ekti va predmeti: Bitiruv ishining ob’ekti Urganch davlat universitetiining “Kimyo” talim yo‘nalishida tahsil olayotgan bo‘lajak kimyogar pedagog talabalari uchun mo‘ljallangan bo‘lib, Bionorganik kimyoning asosiy nazaryalari va qonunlarini anglay bilishi, elektrolitlarning nazariy asoslari, elektr o‘tkazuvchanlik, moddalarni analiz qilishning fizik- kimyoviy metodlarining nazariy asoslarini bilishni talab etadi. Fani sohasidagi nazariy va amaliy masalalar va tashkiliy harakterga ega bo‘lgan hujjatlarni o‘rganish tashkil etadi.
Bitiruv ishining predmeti bo‘lib Oliy ta’lim muasasalarida o‘qitilayotgan “Bionorganik kimyo” fanidan o‘tiladigan analizning fizik-kimyviy usullarida “Bionorganik” kimyoning asosiy mavzusi va mazmun - mohiyati, o‘qitish metodlari va vositalari xisoblanadi.