O`zbekiston respublikasi oliy va o‘rta maxsus ta’lim vazirligi namangan viloyati kasbiy ta`limni rivojlantirish va muvofiqlashtirish hududiy boshqarmasi yangiqo’RG’on tumani 1-son kasb-hunar maktabi bank nazoratchi yo’nalishi

Boshlang`ich, o`rta va o`rta maxsus professional ta’lim muassasalari va akademik litseylarda guruh murabbiylarining faoliyatini tashkil etish bo`yicha yo`riqnoma

1. 
   Umumiy qoidalar
   

1. Mazkur yo`riqnoma boshlang`ich, o`rta va o`rta maxsus profetsional ta’lim muassasalari va akademik litseylarda guruh murabbiylarining vazifalari va huquqlari hamda ularni tayinlash tartibini belgilaydi.

2. Mazkur yo`riqnoma idoraviy tegishliligidan qat’iy nazar barcha Boshlang`ich, o`rta va o`rta maxsus profetsional ta’lim muassasalari va akademik litseylarga (keyingi o`rinlarda ta’lim muassasasi deb yuritiladi) nisbatan, agar qonun hujjatlarida boshqa holatlar nazarda tutilmagan bo`lsa, tatbiq etiladi.
3. Guruh rahbari o`z faoliyatini O`zbekiston Respublikasining Konstitutsiyasi va qonunlari, O`zbekiston Respublikasi Oliy Majlisi palatalarining qarorlari, O`zbekiston Respublikasi Prezidentining qarorlari va farmonlari, O`zbekiston Respublikasi Vazirlar Mahkamasining qarorlari hamda boshqa qonun hujjatlari, shuningdek ta’lim muassasasining ustavi hamda mazkur yo`riqnoma asosida amalga oshiradi.
4. Ta’lim muassasalarida guruh murabbiylari faoliyati ta’lim muassasasi yoshlar bilan ishlash bo`yicha direktor o`rinbosari tomonidan nazorat qilinadi va muvofiqlashtirib boriladi.

2. 
   Guruh murabbiylarini tanlash va tayinlash
   

5. Guruh rahbari kasb-hunar maktablari va akademik litseylarda kamida 3 yil ish stajiga ega, maktab va texnikumlarda 5 yil stajga ega oliy ma’lumotli va ta’lim muassasasi asosiy shtatida ishlovchi xodimlar orasidan tanlanadi.

6. Guruh rahbari har bir ta’lim muassasasida har bir guruh uchun ta’lim muassasasi pedagogik kengashining qarori asosida ta’lim muassasasi direktori buyrug`i bilan tayinlanadi.
7. Har o`quv yili yakunida guruh rahbarlarining faoliyati pedagogik kengashning yig`ilishda muhokama qilinadi va tegishli qaror qabul qilinadi.