Oʻzbekiston respublikasi oliy va oʻrta maxsus taʼlim vazirligi toshkent kimyo-texnologiya instituti

Mahsulot standarti – mahsulotni belgilanishiga muvofiqligini taʼminlovchi mahsulotga boʻlgan talablar aks etgan hujjat.
Mahsulotlarni sertifikatlashtirish – mahsulotlarning belgilangan talablarga muvofiqligini tasdiqlashga oid faoliyat;
Momiq — zavodlarda paxtaga ishlov berish jarayonida — tolasi ajratib olingan chigitda qoladigan kalta toladan tayyorlanadigan mayin paxta. Unga ssiklonlarda yigʻiladigan iflos va changli momiq paxta ham kiradi.
Momiq paxta — har xil yoʻnalishda tartibsiz ravishda kuchsizgina birikkan kalta tolalardan iborat mayin paxta. Asosan, tolasi ajratib olingan chigitlar sirtida qoladigan kalta tola (lint)dan tayyorlanadi.
Muvofiqlik belgisi – muayyan mahsulot yoxud xizmat aniq standartga yoki boshqa meʼyoriy hujjatga mos ekanligini koʻrsatish uchun mahsulotga yoxud koʻrsatilgan xizmatga doir hujjatga qoʻyiladigan, belgilangan tartibda roʻyxatga olingan belgi;
Muvofiqlik sertifikati – sertifikatlangan mahsulotning belgilangan talablarga muvofiqligini tasdiqlash uchun sertifikatlashtirish tizimi qoidalariga binoan berilgan hujjat;
Nazorat yoʻsinidagi tekshiruv – belgilangan talablarga muvofiqligini sertifikatlashtirish va akkreditatsiya qilish chogʻida tasdiqlash maqsadida sertifikatlangan mahsulotni, sifatni boshqarish tizimini yoki ishlab chiqarishni, sertifikatlashtirish organlari, sinov laboratoriyalari (markazlari) faoliyatini takroriy baholash taomili.
Paxta, chigitli paxta – gʻoʻzaning tola va chigitdan iborat asosiy mahsuloti.
Savdo assortimenti – bu ulgurji va chakana savdo sohasida , muomala sohasida mavjud boʻlgan tovarlar nomenklaturasidir. Savdo assortimenti oʻz navbatida tovar guruhlari assortimenti va savdo korxonasi assortimentiga boʻlinadi.
Samaradorlik – tovarlarni ishlab chiqarish, qadoqlash, saqlash, realizatsiya qilish va isteʼmol qilishda optimal natijaga erishishni oʻz ichiga oluvchi tamoyil.
Sanoat assortimenti – bu alohida korxona, sanoat tarmogʻi tomonidan ishlab chiqariladigan mahsulotlar nomenklaturasidir.