O’zbekiston Respublikasi Oliy va o’rta maxsus ta’lim vazirligi Toshkent Moliya Instituti “Soliqlar va sug’urta” fakulteti “Soliqlar va soliqqa tortish” yo’nalishi st-82 guruh talabasining “Buxgalteriya hisobi” fanidan tayyorlagan mustaqil

Ўзбекистон Республикаси Олий ва ўрта махсус таълим вазирлиги Тошкент Молия Институти “Солиқлар ва сугъурта” факультети “Солиқлар ва солиққа тортиш” ёъналиши СТ-82 гуруҳ талабасининг “Бухгальтэрия ҳисоби” фанидан тайёрлаган МУСТАҚИЛ ИШИ

Бажарди: Олимов Ш.

ТЕКШИРДИ: Имомова Н.

24-сонли БҲМС «Қарзлар бўйича харажатлар ҳисоби»

[Ўзбекистон Республикаси Адлия вазирлиги томонидан 2009 йил 18августда 1996-сон билан давлат рўйхатидан ўтказилган]
Ўзбекистон Республикасининг «Бухгалтерия ҳисоби тўғрисида»ги Қонунига ва Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Ўзбекистон Республикаси Молия вазирлиги тўғрисидаги низомга мувофиқ буюраман:
(муқаддима Ўзбекистон Республикаси молия вазирининг 2017 йил 20 июндаги 83-сонли буйруғи (рўйхат рақами 1996-1, 28.06.2017 й.) таҳририда — ЎР ҚҲТ, 2017 й., 26-сон, 599-модда)
1. Ўзбекистон Республикаси Бухгалтерия ҳисобининг миллий стандарти (24-сонли БҲМС) «Қарзлар бўйича харажатлар ҳисоби» иловага мувофиқ тасдиқлансин.
2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Молия вазири Р.С. АЗИМОВ
Ўзбекистон Республикаси бухгалтерия ҳисобининг миллий стандарти (24-сонли БҲМС) «Қарзлар бўйича харажатлар ҳисоби»
Мазкур Бухгалтерия ҳисобининг миллий стандарти (БҲМС) «Бухгалтерия ҳисоби тўғрисида»ги Ўзбекистон Республикаси Қонунига мувофиқ ишлаб чиқилган ва Ўзбекистон Республикасида бухгалтерия ҳисобини меъёрий тартибга солиш тизимининг элементи ҳисобланади.
(муқаддима Ўзбекистон Республикаси молия вазирининг 2017 йил 20 июндаги 83-сонли буйруғи (рўйхат рақами 1996-1, 28.06.2017 й.) таҳририда — ЎР ҚҲТ, 2017 й., 26-сон, 599-модда)
1. Мазкур БҲМСнинг мақсади бўлиб, суғурта ташкилотлари, банклар ва бошқа кредит ташкилотларидан ташқари ташкилий-ҳуқуқий шакли ва идоравий бўйсунувидан қатъи назар, барча хўжалик юритувчи субъектларда (бундан кейинги ўринларда хўжалик юритувчи субъект деб юритилади) қарзлар бўйича харажатларнинг бухгалтерия ҳисоби услубиётини ва улар тўғрисида маълумотларни очиб беришни белгилаш ҳисобланади.