O‘zbekiston respublikasi oliy va o‘rta maxsus

Lokal kompyuter tarmog‘i. Lokal kompyuter tarmog‘i tushunchasi nisbiydir. Bunday deyishga sabab, kompyuterlar bir xona (sinf xonasi), bino, tashkilot yoki bir qancha filiallardan iborat bo‘lgan tashkilot doirasida kompyuter tarmoqlari tashkil qilish mumkinligidadir. Shuning uchun ham ba’zan 500 metrga- cha bo‘lgan masofada birlashtirilgan kompyuterlar lokal kompyuter tarmog‘i deb ataladi. Ba’zan uzoqroq masofada joylashgan kom­pyuterlar ham lokal tarmoqqa birlashtirilishi mumkin.

Global kompyuter tarmog‘i — Internet tarmog‘i. Internet (International Network — xalqaro kompyuter tarmog‘i) butun dunyoni qamrab olgan global kompyuter tarmog‘i hisoblanadi. Hozirgi kunda Internet dunyoning 150 dan ortiq mamlakatida 100 millionlab abonentlarga ega. Har oyda tarmoq miqdori 7—10% ga ortib bormoqda. Internet dunyodagi turli xil ma’lumotlarga oid axborot tarmoqlari o‘rtasidagi o‘zaro aloqani amalga oshiruvchi yadroni tashkil qiladi.