O’zbekiston respublikasining soliq kodeksi I bo’lim. Umumiy qoidalar

 
 

---

379 
398-modda. Soliq agentlarining majburiyatlari va javobgarligi
Soliqni to’lov manbaida hisoblab chiqarish, ushlab qolish va byudjetga 
o’tkazish bo’yicha majburiyatlar va javobgarlik jismoniy shaxsga daromad 
to’laydigan va soliq agentlari deb e’tirof etilgan quyidagi shaxslarning zimmasiga 
yuklatiladi: 
1) yuridik shaxslar; 
2) yakka tartibdagi tadbirkorlar; 
3) faoliyatni doimiy muassasa orqali amalga oshiradigan norezidentlar-yuridik 
shaxslar; 
4) norezidentlarning O’zbekiston Respublikasidagi yuridik shaxsning 
vakolatxonalari; 
5) ushbu Kodeksning 
46-moddasi ikkinchi qismining 5-bandida
ko’rsatilgan 
mol-mulkni sotib olgan jismoniy shaxslar.
Ushbu modda birinchi qismining 5-bandida ko’rsatilgan shaxslar mazkur 
Kodeksning 
368-moddasida
nazarda tutilgan tartibda soliqni hisoblab chiqarish, 
ushlab qolish va byudjetga o’tkazishni amalga oshiradi.
Soliq summasi ushlab qolinmagan taqdirda, soliq agenti ushlab qolinmagan 
summani hamda u bilan bog’liq penyani byudjetga to’lashi shart. 
Soliq agentlari jismoniy shaxsning talabiga binoan unga daromadlarining 
summalari va turlari haqida, shuningdek jismoniy shaxslardan olinadigan daromad 
solig’ining ushlab qolingan summasi to’g’risida O’zbekiston Respublikasi Davlat 
soliq qo’mitasi va O’zbekiston Respublikasi Moliya vazirligi tomonidan 
belgilanadigan shaklda ma’lumotnoma berishi shart. 
399-modda. Soliq agentlarida soliq solinadigan daromadlar 
Soliq agentida soliq solinadigan daromadlar jumlasiga quyidagilar kiradi: 
1) ushbu Kodeksning 
383-moddasiga
muvofiq jismoniy shaxslarning mehnatga 
haq to’lash tarzidagi daromadlari; 
2) ushbu Kodeksning 
388-moddasiga
muvofiq moddiy naf tarzidagi 
daromadlar;
3) mulkiy daromadlar, agar daromadning to’lov manbai O’zbekiston 
Respublikasining rezidenti bo’lgan yuridik shaxs, faoliyatini O’zbekiston 
Respublikasida doimiy muassasa, chet ellik yuridik shaxsning vakolatxonasi orqali 
amalga oshirayotgan O’zbekiston Respublikasi norezidenti bo’lsa, shuningdek 
ushbu Kodeksning 
368-moddasida
nazarda tutilgan hollarda; 

---

380 
4) ushbu Kodeksning 
389-moddasiga
muvofiq boshqa daromadlar, agar 
daromadning to’lov manbai O’zbekiston Respublikasining rezidenti bo’lgan yuridik 
shaxs, faoliyatini O’zbekiston Respublikasida doimiy muassasa, chet ellik yuridik 
shaxsning vakolatxonasi orqali amalga oshirayotgan O’zbekiston Respublikasining 
norezidenti bo’lsa.
Mehnatga oid munosabatlarda bo’lmagan jismoniy shaxs-O’zbekiston 
Respublikasi rezidentiga moddiy naf tarzida daromad to’lovchi soliq agenti jismoniy 
shaxsning yozma arizasi asosida jismoniy shaxslardan olinadigan daromad solig’ini 
ushlab qolmaslikka haqli. Bunda jismoniy shaxs moddiy naf tarzidagi daromad 
bo’yicha ushbu Kodeksning 
405-moddasiga
muvofiq jismoniy shaxslardan 
olinadigan daromad solig’ini to’lashi shart.