O’zbekiston xalqaro islom akademiyasi “Islom iqtisodiyoti va xalqaro munosabatlar” fakulteti

Kurs ishining maqsadi va vazifalari. Kurs ishining maqsadi Shanxay hamkorlik tashkilotiga a’zo davlatlar o‘rtasida o‘zaro investitsiyaviy hamkorlikning ustuvor yo‘nalishlari va mintaqa uchun uning ahamiyatini yoritish, ushbu mintaqadagi davlatlar o‘rtasida investitsiya oqimini oshirishning yangi yo‘nalishlarini ochish imkoniyatlari va shart-sharoitlarini o‘rganib chiqish, ushbu masalada amalga oshirilayotgan ishlarning yutuq va kamchiliklarini tadqiq etishdan iborat.

Investitsion hamkorlik doirasida amalga oshirilayotgan ishlar e’tiborga molik. Oxirgi yillarda ShHTning salohiyati ortib borgani sari, tashkilotga a’zo davlatlar o‘rtasida investitsiya oqimi ham oshib bormoqda. Ushbu jarayonni yanada rivojlantirishni zamonning o‘zi talab qiladi.

Ushbu ishda ShHT doirasida investitsion hamkorlikning ustuvor yo‘nalishlarini o‘rganib chiqish bitiruv ishining mavzusi deb qabul qilindi.

Bu maqsadga erishish uchun quyidagi vazifalar belgilab olindi:

• 
  Shanxay hamkorlik tashkilotining tashkil topishi;
  
• 
  ShHTning rivojlanishi, ustuvor yo‘nalishlari va strategik maqsadlari
  
• 
  ShHT doirasida investitsiyalarni jalb etishning ahamiyati;
  
• 
  tashkilotga a’zo mamlakatlarning ShHT doirasida o‘zaro investitsion hamkorligi;
  
• 
  ShHTga a’zo mamlakatlar iqtisodiyoti uchun “Bir makon – bir yo‘l” loyihasining tutgan o‘rni;
  
• 
  O‘zbekiston Respublikasining ShHTda tutgan o‘rni;
  
• 
  O‘zbekiston Respublikasining tashkilotga a’zo mamlakatlar bilan investitsion hamkorligi va rivojlanish yo‘nalishlari.