O‘zbekistonda elektron raqamli imzo sertifikatini onlayn olish imkoniyati paydo bo‘ldi

O‘zbekistonda elektron raqamli imzo sertifikatini onlayn olish imkoniyati paydo bo‘ldi

O‘zbekistonda elektron raqamli imzo (ERI) kalitini masofadan turib olish mexanizmi joriy etilishi haqida xabar berilgandi. Davlat soliq qo‘mitasining ma’lum qilishicha, ushbu yangilik amaliyotga tatbiq etilgan bo‘lib, endilikda sertifikatning o‘zini ham masofadan turib olish mumkin.

Ta’kidlanishicha, ERI kalit va sertifikatlarni jismoniy hamda yuridik shaxslarga “e-imzo.uz” orqali berish mexanizmi joriy etilgan.
Davlat xizmatlari agentligi operatori quyidagilarni tekshiradi:

• 
  arizada ko‘rsatilgan mobil telefon raqamining arizachiga tegishliligi;
  
• 
  ariza beruvchining pasporti nusxasidagi ma’lumotlar va pasportning old tomonini ushlab selfi ko‘rinishida tushirilgan suratning haqiqiyligini;
  
• 
  arizachining qo‘mita tizimidagi STIR bo‘yicha ma’lumotlarini.
  

Selfi ko‘rinishidagi surat arizachining shaxsini tekshirishda muhim rol o‘ynaydi. Bunda arizachining ilova sifatida taqdim etgan surati yorug‘ fonda bo‘lishi va yuzi aniq ko‘rinishi, pasportning bosh sahifasidagi matn ham o‘qiladigan bo‘lishi kerak.

Aks holda sertifikat berishda rad etilishi mumkin. Arizachi kamchiliklarni bartaraf etib qaytadan yana ariza bera oladi.

Jismoniy shaxslar uchun elektron raqamli imzo olish
1. Ariza beruvchi YAIDXPda ro‘yxatdan va/yoki avtorizatsiyadan o‘tadi
2. Tegishli maydonga shaxsiy telefon raqami kiritiladi va arifmetik amal bajariladi
3. Tegishli hudud va tuman tanlanadi. Shaxsiy telefon raqamiga kelgan tasdiqlash kodi kiritiladi
4. Hujjatlar ilova qilinadi hamda ERI kaliti paroli o‘ylab topiladi. So‘rov bilan tanishiladi va imzolanadi 
5. To‘lov amalga oshiriladi ERI kalitidan foydalanish uchun shaxsiy kompyuterga “E-imzo” dasturi o‘rnatilishi zarur