Ҳозирги замон инглиз ва ўзбек тилларида фразеологик бирликларининг бадиий таҳлили ва уларнинг ифодаланиши

Тадқиқотнинг долзарблиги қардош бўлмаган тилларни, жумладан, инглиз ва ўзбек тилларини қиёсий тавсифлаш бўлиб, ҳозирги замон тилшунослигида муҳим ўрин эгаллайди.
Қуйидаги битирув малакавий ишининг долзарблиги шундаки, ҳозирги вақтда аниқ тил жуфтликларида тил бирликларини қиёслашнинг назарий ва амалий аҳамиятига талаб кучайган. Иккита тил ўртасидаги функционал-семантик жиҳатларнинг борлиги нафақат таржима назариясига, балки яна методик услубларга ҳам бориб тақалади.
Бу тадқиқот муаммосининг ўрганилганлик даражаси унча юқори эмас. Чунки фразеология фан сифатида ўтган асрнинг 60-йилларидан бошлаб ривожланган, қиёслаш муаммолари бўлса ундан ҳам кейинроқ ривожланa бошланган.
Қуйидаги битирув малакавий ишнинг мақсади фразеологик бирликларининг инглиз ва ўзбек тилларида қиёсланиши, уларнинг бадиий таҳлили ва уларнинг структурал-семантик ва функционал-семантик эквивалентларини кўрсата билишдир.
Бу тадқиқотимизнинг асосий долзарб вазифалари қуйидагича:
1.Инглиз тилидаги фразелогик бирликларнинг ўзбек тилидаги эквивалентлари билан таққосланиши;
2. Фразеологик бирликларнинг бадиий таҳлили ва семантикасини кўриб, ўрганиб чиқиш;
3. Фразеологик бирликларнинг асл ва кўчма маьноларини аниқлаш.
Тадқиқотнинг обьекти сифатида биз инглиз тилидаги фразеологик бирликларнинг ўзбек тилидаги маъносини очиб кўрсатишни танладик ва бу икки бирликни фразеологик нуқтаи назаридан ҳар томонлама қиёслашга ҳаракат қилдик.
Тадқиқот услуби сифатида асосан қиёслаш методи танланди ва ҳар бир қиёсланаётган фразеологик бирлик мисоллар билан бойитилди.
Қуйидаги битирув малакавий иши фразеология материалларига бағишланган, яьни фразеологик бирликларнинг бир қисми бадиий адабиётда қўлланиладиган фразеологик бирликларни ўз ичига олади. Бу ишда инглиз ва ўзбек тилларидаги фразеобирликларнинг қиёсланиши кўриб чиқилади ва асосий компонент бадиий таҳлилни талаб қилувчи фразеологик бирликлар ҳисобланади. Бу компонентнинг танланиши бежиз эмас, чунки бу сўз жуда кўп фразеологик бирликлар ясашга ёрдам беради ва тилда кўп ишлатилади.