Parchalanuvchi qo‘l granatalarini uloqtirish usullari va qoidalari

237-rasm. Granatani harakat mobaynida uloqtirish usuli:

a, b, d, e — harakatlar ketma-ketligi.

granatani yarim bukilgan o‘ng qo‘lda, qurolni esa chap qo‘lda tutib, saqlovchi tortqi sug‘urib olinadi;

chap oyoq tashlanganda qo‘l granata bilan birgalikda oldinga chiqariladi;

navbatdagi qadam tashlanganda (o‘ng oyoq bilan) qo‘l yoy bo‘yicha pastga ortga harakat qilishda davom etadi va ayni paytda tana o‘ngga buriladi;

uchinchi qadamda chap oyoq uchini nishon yo‘nalishi tomonga burib, o‘ng oyoqning tizzasi bukiladi va tana burilishi, quloch ochilishi to‘xtatiladi;

harakat tezligidan foydalanib, uloqtirish jarayoniga oyoq tana va qo‘l kuchini mujassamlashtirgan holda, granata elka uzra oshirib uloqtiriladi.

Granatani avtomobildan uloqtirish uchun quyidagi amallar bajariladi:

o‘rindiqda o‘tirgan holatda qolib, yoki ikkala oyoqqa turib, yoxud chap oyoqning tizzasini o‘rindiqqa qo‘ygan holat qabul qilinadi;