Пастдарғомда тадбиркорга 780 млн сўм қарздорлик ундириб берилди

Пастдарғомда тадбиркорга 780 млн. сўм қарздорлик ундириб берилди
Тошкент туманлараро иқтисодий судининг 2022 йил 21 декабрдаги ижро ҳужжатига асосан қарздор “Самарқанд Камалак Инвест Текстил” маъсулияти чекланган жамиятидан ундирувчи “AP AGROVAK” маъсуляит чекланган жамиятининг фойдасига 780 млн. 24 минг сўм қарздорлик ундириш тўғрисидаги ижро ҳужжати Мажбурий ижро бюроси Пастдарғом туман бўлими иш юритувига келиб тушган.





Ижро ҳужжати Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига асосан, ижро иши қўзғатилиб, қўзғатиш қарори қарздорга ижро қилишлик учун юборилган.
Қарздор давлат ижрочиси томонидан берилган ихтиёрий муддат ичида қарздорликни қопламаганлиги сабабли мажбурий ижро ҳаракатларига киришилди. Ижро ҳаракатлари давомида МИБ портал электрон дастури орқали тегишли ташкилотларга сўровномалар юборилиб, олинган жавобларга кўра қарздорга тегшили бўлган мол-мулкларга банд солинган.
Олиб борилган мажбурий ижро ҳаракатлари давомида қарздор “Самарқанд Камалак Инвест Текстил” маъсулияти чекланган жамиятидан 780 млн. 24 минг сўм қарздорлиги амалда тўлиқ ундирилиб ижро иши амалдаги Қонуннинг 41-моддасига асосан иш юритишдан тамомланди.
Хуршид ЮСУПОВ,
Бюронинг Пастдарғом туман
бўлими давлат ижрочиси.