Pedagogik keyslar

PEDAGOGIK KEYSLAR

Tayyorladi: 1-kurs magistranti Mohira Munavvarova


1-keys. 104-guruh talabalari darsga kelmaslikka kelishdi. Starsaga o‘qituvchini ogohlantirib qo‘yishlarini iltimos qildi, lekin fan o‘qituvchisi tekshiruv borligi va javob bera olmasligini , dars bir para emas 2 para qo‘yilganini aytib, barchani kelishi shart ekanligi, aks holda qat’iy chora ko‘rishini aytdi. Ko‘pchilik talabalar shunda ham ayrim bahonalar bilan kelmadi.
Savollar:

1. 
   Muammo nimadan iborat?
   
2. 
   Mazkur muammoni hal etish uchun o‘qituvchi qanday ish olib borishi lozim deb o‘ylaysiz?
   
3. 
   Bunday holatda qanday ishlarni amalga oshirish kerak?
   
4. 
   Siz bu muammoga qanday yechimlar taklif qilasiz?
   

Manba: Oliy ta’lim muassasalari nizomi, Kadrlar tayyorlash milliy dasturi.
Talabalar uchun ko‘rsatmalar:
1.Keys mohiyatini yetarlicha anglab oling.
2. Muammoning yechimini topishga xizmat qiluvchi omillarnianiqlang.
3.Ana shu omillar asosida yechimni asoslashga harakatqiling.
4.O‘z fikringizni bayon eting.
Keysni yechish jarayoni:

1. 
   Tinglovchilar keys mohiyatini u bilan tanishish orqali kichik guruhda muhokama qiladilar.
   
2. 
   Tinglovchi kichik guruh a’zolari bilan hamkorlikda muammoni hal etishga zamin tayyorlaydigan omillarni aniqlaydi.
   
3. 
   Muammoni hal etishga imkon beradigan omillardan eng muhimlari ajratib olinadi.
   
4. 
   Kichik guruh a’zolari umumiy fikr asosida eng muhim omillarni bayon etadi.
   
5. 
   Kichik guruhlarning fikrlari tahlil etiladi va umumiy xulosa yasaladi.
   

Muammoning yechimi:
Bunday holatda o‘qituvchi keskin chora ko‘rmay, yana takrorlanishini oldini olish uchun takrorlansa, kechirmasligini aytsa maqsadga muvofiq. O‘sha kungi mavzuni mustaqil ish sifatida bajarish topshirig‘i berilsin.
2-keys. 1-kurs talabasi Hakimova Gulsanam arab tili darsida adabiyotshunoslik fanidan dars tayyorlab o‘tirgan edi. Garchi boshqa darsni qilayotgan bo‘lsa-da, arab tili fani topshirig‘ini topshirib, tinglab keyingingi paraga tayyorlanayotgandi. O‘qituvchi kelib, daftarini yirtib, unga sochib, juda qattiq izza qildi. Behurmatlikda aybladi, holbuki, Gulsanam guruhdagi barcha topshiriqni o‘rnida bajaradigan faol talaba edi. Buni o‘qituvchi ham juda yaxshi biladi. Hatto darsdan so‘ng arab tili kursiga ham kirardi. Bu holat talabaga juda qattiq ruhiy ta’sir etdi, chunki yirtilgan daftarga katta mehnat sarf etgan va u hech qachon bunday tahqirga uchramagan edi.
Savollar:
1. Muammo nimadan iborat?

2. 
   Mazkur muammoni hal etish uchun o‘qituvchi qanday ishlar olib borishi lozim deb o‘ylaysiz?
   

3.Talabaning bu xatti-harakatiga ota-onasi qanday chora ko’rishi kerak?
4.Siz bu muammoga qanday yechimlar taklif qilasiz?