Press release bomka 10 Markaziy Osioyo davlatlari chegara xizmatlari uchun yo'riqnoma ishlab chiqish bo'yicha mintaqaviy seminar o'tkazdi

Press release


BOMKA 10 Markaziy Osioyo davlatlari chegara xizmatlari uchun yo'riqnoma ishlab chiqish bo'yicha mintaqaviy seminar o'tkazdi

Toshkent, 2022 yil, 19 oktyabr

17-19 oktyabr kunlari Markaziy Osiyoda chegaralarni boshqarishga koʻmaklashish dasturi (BOMKA 10) mintaqa davlatlari chegara idoralari vakillari va Turkmaniston Migratsiya xizmati xodimlari uchun yoʻriqnomalar ishlab chiqish (shu jumladan birinchi nazorat chizig’ida hujjat tekshirish) bo’yicha mintaqaviy seminar o’tkazdi.

Mazkur tadbir chegara nazorati punktlarida chegara nazoratini tashkil etish bo'yicha Evropa Ittifoqining tajribasini taqdim etish, va shuningdek, birinchi nazorat chizig'ida hujjat tekshirish - Markaziy Osiyo mamlakatlarida foydalanish uchun chegara nazorati bo'yicha qo'llanma ishlab chiqishga yordam berdi.

Latviya Davlat chegarasini qo‘riqlash xizmati mutaxassislari chegara nazorati tartib-qoidalarini takomillashtirishga xizmat qiluvchi xalqaro standartlar va bu boradagi ilg‘or tajribalar haqida ma’lumot berishdi. Shuningdek, hujjatlarni tekshirishga tizimli yondashish bo‘yicha tavsiyalar berildi. Bundan tashqari, mutaxassislar nazorat samaradorligini oshirish, muddati o’tgan va qalbaki hujjatlarni aniqlash borasidagi bilimlari bilan o‘rtoqlashdi.

Tadbir davomida ishtirokchilar chegarani kesib o'tuvchi shaxslarni dastlabki tekshiruvdan o’tkazish usullari, chegara-nazorat punktlari hududida odamlar va transport vositalarining harakatini tashkil etish, shuningdek, mazkur hududlar infratuzilmasini moslashtirish usullari bilan tanishdilar.

Mintaqaviy tadbir yakunlari bo‘yicha birinchi chegara nazorati chizig’ida tekshiruv o’tkazish bo‘yicha qo‘llanma ishlab chiqiladi. Bu barcha nazorat-o‘tkazish punktlari va o‘quv bo‘linmalarida malakali chegarachilarni tayyorlash darajasini oshiradi.


BOMKA haqida

Markaziy Osiyoda chegaralarni boshqarishga koʼmaklashish dasturi (BOMKА) Yevropa Ittifoqining Hamkorlar konsortsiumi hamda Migratsiya siyosatini rivojlantirish markazi tomonidan amalga oshiriladi. Hamkorlar konsortsiumi Latviya Respublikasi Davlat chegarasini qoʼriqlash xizmati tomonidan boshqariladi. BOMKА 10-bosqichining umumiy byudjeti 21,65 million yevroni tashkil etib, u mintaqadagi eng yirik tashabbuslardan biri hisoblanadi. 2021 yilning aprel oyida boshlangan BOMKА dasturini amalga joriy etish muddati 54 oydan iborat.

BOMKАning asosiy maqsadi chegaralarni integratsiyalashgan boshqaruvi asosida mintaqada barqaror iqtisodiy rivojlanishga koʼmaklashish orqali mintaqada xavfsizlik va barqarorlikni taʼminlashdir. BOMKАning oʼninchi bosqichi mavzuviy jihatdan toʼrt komponentni qamrab olgan: chegara idoralarini institutsional rivojlantirish, qonun buzilishi hollarini aniqlash boʼyicha salohiyatni oshirish, savdoni osonlashtirish hamda transchegaraviy hamkorlikni takomillashtirishga koʼmak berish. Geografik jihatdan loyiha Markaziy Osiyoning barcha besh davlatini qamrab oladi. Аvvalgi faoliyatning yutuq va natijalariga asoslangan joriy bosqich transchegaraviy hamkorlikni qoʼllab-quvvatlash va Markaziy Osiyoning chegaradosh hududlarida yashovchi aholining turmush sharoitini yaxshilash boʼyicha ishlarni davom ettiradi, shuningdek, chegaralar orqali qonuniy savdo oqimini osonlashtiradi.

Markaziy Osiyoda BOMKA dasturini amalga oshirish 2003 yilda boshlangan va shundan buyon Dastur chegaralarni integratsiyalashgan boshqarish kontseptsiyasini qoʼllash orqali chegara nazorati idoralari oʼrtasidagi hamkorlikni mustahkamlash, shuningdek, chegara nazoratini xalqaro tajribalar va Yevropa Ittifoqi standartlariga muvofiqlashtirishda yetakchi ahamiyatga ega boʼlib kelmoqda.

BOMKA dasturi haqida qoʻshimcha maʼlumot olish uchun BOMKA 10 milliy dasturining Oʻzbekiston boʻyicha koordinatori Zulfiya Sibagatulina bilan bogʻlaning:

[e-mail]

BOMKА dasturi Latviya Respublikasi Davlat chegarasini qoʼriqlash xizmati rahbarligi ostidagi Hamkorlar konsortsiumi tomonidan amalga oshirilmoqda:

D astur Yevropa Ittifoqi tomonidan moliyalashtiriladi Yevropa Ittifoqining Qirgʼiziston Respublikasidagi vakolatxonasi Erkindik bulvari, 21, Orion biznes-markazi, 5 qavat, 720040, Bishkek, Qirgʼiziston Respublikasi telefon: [phone] el. manzil: [e-mail] Website: https://eeas.europa.eu/delegations/kyrgyz-republic

Yevropa Ittifoqi eng ilgʼor yutuqlar, zahiralar va xalqlarning taqdirini birlashtirgan 27 aʼzo-davlatni oʼz ichiga olgan. 60 yil davomidagi hamkorlik samarasi oʼlaroq, ular barqarorlik, demokratiya va barqaror rivojlanish hududini yarata oldilar. Lekin ayni paytda madaniy turfa xillik, shaxsiy erkinliklar va bagʼrikenglik muhitini saqlab qoldilar. Yevropa Ittifoqi hamisha oʼz yutuqlari va qadriyatlarini ittifoq tashqarisidagi davlatlar va xalqlar bilan baham koʼrishga intilib keladi.