Qarshi davlat universiteti pedagogika fakulteti

Osyotr balig‘idan tayyorlangan yarim tayyor masalliqlar
Chala dimlab pishirish uchun baliq bо‘laklari quyidagicha kesiladi: bо‘g‘in (zveno) tog‘aydan tozalanib terisini pastga qaratib taxtaga qо‘yiladi va dum tomonidan boshlab 30° burchak ostida bо‘laklarga kesiladi. Bunda har gal yumshoq gо‘shtni terisidan kesib ajratib, hosil bо‘lgan bо‘laklar qaynoq suvga bir minut botiriladi, sovuk_.suvda yuviladi va dimlab pishi­rishga yuboriladi.

Asosiy usulda qovurish uchun tog‘ayi bо‘g‘inlardan porsia bо‘laklari kesib olinadi. Bunda har qaysi bо‘lak teridan kesib ajratiladi. Baliq bо‘laklari dimlab pishirish uchun tay­yorlangan baliq bо‘laklari singari burchak ostida kesiladi, lekin unga bulanadi.

Yog‘da qovurish (fri) uchun porsiya bо‘laklari dimlab pishi­rish uchun tayyorlangan bо‘laklar singari, kesiladi, lekin qaynoq suvga pishilgandan keyin unga bulanib lyezonga botiriladi va oq bulamaga bulanadi va bulamaning ortiqchasi ohistalik bilan qoqib tushiriladi.

Osyotr va sevryuga balig‘ini chovli (grilye)da qovurish uchun porsiya bо‘laklari dimlab pishirish uchun tayyorlangan bо‘laklar singari (30° burchak ostida) kesiladi va eritilgan yog‘ sur­tib oq bulamaga bulanadi. Sterlyad balig‘ini shu usulda qovurish uchun uning yon, qorin va yelka chig‘anoqlari hamda ichak-­chavag‘i olib tashlanadi, yelka gо‘shti va oyquloqlari ajrati­ladi, boshi bо‘ylamasiga ikkiga bо‘linadi, tanasi tog‘ay bо‘yicha kesiladi va ikkiga nimtalanib tog‘ayi qirqib olinadi; shun­dan keyin quritiladi, tuz, murch sepiladi, eritilgan yog‘ su­riladi va oq bulamaga bulanadi.

Uzun sixga tortib qovurish uchun tayyorlangan bо‘g‘indan teri va tog‘ay olib tashlanadi va kо‘ndalangiga 90° burchak ostida qalinligi 4-5 santimetrli porsiya bо‘laklarga kesiladi bо‘laklar qaynoq suvga pishiladi, quritiladi, sixga tortib, tuz, murch sepiladi va eritilgan sariyog‘ surtiladi.