Qarshi davlat universiteti pedagogika fakulteti

Tuzlangan baliqni ivitish

Muassasalarga keltirilgan tuzlangan baliqda 11 protsent­dan 22 protsentgacha tuz bо‘ladi. Qovurish uchun mо‘ljallangan baliqda kо‘pi bilan 3°/_o, qaynatiladigan baliqda esa kо‘pi bi­lan 5% tuz bо‘lishi kerak. Ortiqcha tuz ivitib ketkaziladi. Baliqni yuvishdan avval bо‘ktirish maqsadida sovuq suvga 50-60 minut solib qо‘yiladi, tangalari tozalanadi, dumi, qa­notlari, boshi kesiladi va bо‘yiga nimtalanadi.

Baliqni suvni almashtirib turib ivitish. Baliq 1 kg ga 2 l suv hisobida temperaturasi 12⁰ dan yuqori bо‘lmagan sovuq suvga solinadi. Suv 1, 2, 3, va 6 soatda almashtirib turiladi. Juda shо‘r baliq ancha uzoq ivitiladi. Yozda suvni muz solib sovutish kerak. Baliq solingan suv vaqt-vaqti bilan aralashtirib turilishi lozim.

Bu usulning kamchiligi shundaki, suvni bir almashtirishdan ikkinchi almashtirish о‘rtasida unda tuz tо‘planib qolgan­ligi tufayli ivitish protsessi sekinlashadi. Bundan tashqari, ivitish oxirida suvda tuz ancha kam qolganligi natijasida baliq buzilishi mumkin.

Baliqni oqar suvda ivitish. Baliq yog‘och panjarali maxsus vannaga solinadi. Yog‘och panjara ostida qator teshikli truba о‘rnatilgan bо‘lib, undan vodoprovod suvi beriladi. Vannaning tubidagi teshik vannaning deyarli labigacha chiqadigan oqava trubasi bilan yopiladi yoki vannaning yuqori qismiga oqava truba ishlanadi. Baliq taxminan 8-12 soat ivitiladi.

Seld balig‘ini ivitish. Seld butun tanasi bilan yoki terisi shilinib, file qilinganidan keyin ivitiladi. Seldning mazasi va oziq moddasi kam yо‘qolishi uchun achchiq sovuq choyda yoki sutli sovuq suvda, bо‘lmacha sutda ivitiladi: