Qishloq xo`jaligi iqtisodiyoti

Yakuniy mahsulot – yalpi mahsulot (tovarlar va xizmatlar) qiymatidan ishlab chiqarish sarfi chiqarib tashlangandan keyin qolgan qismidir. Yakuniy mahsulot deganda iste‘molga chiqib ketadigan mahsulotni tushunish mumkin. Korxona darajasida uning tovar mahsulotdan farqi yo`q.
ASM da yakuniy mahsulot – majmuaning barcha sohalarida yaratilgan va yakuniy iste‘mol hamda eksportga chiqib ketadigan mahsulotdir.
Infratuzilma – takror ishlab chiqarishni amalga oshiruvchi iqtisodiyot tarmoqlarining majmuidir.
Agrosanoat korxonalari – ixtisoslashgan tashkilot bo`lib, ishlab chiqarish sanoati, qayta ishlash va qishloq xo`jaligi mahsulotlarini saqlashga ixtisoslashgan.
Agrofirma – qishloq xo`jaligi mahsulotlarini xo`jaligi ichida (xo`jaliklararo) integratsiyalash asosida ishlab chiqarish, saqlash, qayta ishlash va realizatsiya qilish asosida ishlab chiqarish-xo`jalik faoliyatini amalga oshiruvchi korxonadir. Agrosanoat birlashmalari – bitta ma‘muriy tumandagi qishloq xo`jaligi va sanoat korxonalari asosida tashkil etilib, qishloq xo`jaligi ishlab chiqarishi, transportirovka doirasi, mahsulotlarni qayta ishlash, saqlash va realizatsiyasida birlik va balanslashganlikni ko`zda tutadi.