Quloq tomoq

I   bob
OTORINOLARINGOLOGIYA TARIXI
XIX asrning ikkinchi yarmida tibbiyot fanidan otorino-
laringologiya yoki quloq (otos), burun (rhinos), halqum va 
hiqildoq (larungos) kasalliklarini o‘rganadigan  fan sifatida  
alohida ajralib chiqdi. Quloq, burun va tomoq kasallikla-
rini umumiy fan sifatida birlashtirishga shu a’zolarning 
anatomik-topografik birligi, ularning fiziologik va funk-
sional jihatdan o‘zaro bog‘liqligi asos bo‘ldi.
Tabobat muvaffaqiyatlarni qo‘lga kiritishda og‘ir va 
mashaqqatli yo‘lni bosib o‘tdi. Har qaysi zamon tabo-
batidan turli kasalliklarni davolashga doir qator aniq va 
ravshan usullar bizgacha yetib kelgan. Shuningdek, qadim 
yunon (Rotzes 11 maqbarasida topilgan) yozuvlarida turli 
xil xastaliklarni, shu jumladan, quloq kasalliklarini davo-
lashga doir qator tavsiyalar yozib qoldirilgan.