Qurilish materiallari muhandisligi

13:00. Musiqali tanaffus. Bunda Ona vatan, institut va talabalar hayoti, talabalarni o‘qishga, intilishga dalda beradigan kuy va qo‘shiqlar qo‘yilishi tavsiya etiladi.
“Qurilish materiallari muhandisligi”

fakulteti dekani SH. Erboev

“Qurilish materiallari muhandisligi”

fakulteti dekanining yoshlar bilan

ishlash bo‘yicha muovini R. Bobojonov

“QURILISH MATERIALLARI MUHANDISLIGI”

fakultetining radiouzeldagi eshittirishlar

DASTURI

07:55. SALOMLASHISH.

Haqiqatan, har bir ota-ona farzandiga tarbiya-odob berar ekan, eng avvalo, salomlashishni o‘rgatadi. Jahonda odobning bu jihatiga e’tibor bermaydigan biror millat yoki xalq yo‘q. Bejizga dono xalqimiz «Gapning boshi – kalom, odob boshi – salom», demagan.

Har bir xalqning o‘ziga xos salomlashish odobi bor. Ammo quyidagicha sharqona salomlashish bularning eng go‘zali va chuqur ma’nolisidir:

Oqil va odobli kishi do‘stlari va yaqinlari bilan uchrashganda, odamlar oldidan o‘tayotib, biror majlis yoki jamoat joyiga kirganda, «Assalomu alaykum», deb salom berishi zarur.

Salomni yanada to‘liq va ma’nodor qilish uchun «Assalomu alaykum va rahmatullohi va barokatuh», ya’ni «Sizga tinchlik-omonlik, Allohning rahmati va barakoti bo‘lsin», deyiladi. Alik olish ham salomga yarasha chiroyli va mukammal bo‘lishi kerak.

Assalomu alaykum institutimiz professor-o‘qituvchilari va barcha talaba-yoshlar !

Bugun haftaning shanba kuni bo‘lib, barcha talabalarimiz fanlarni o‘zlashtirib o‘z reyting ota-onalari bag‘riga shoshiladigan kun desak mubolag‘a bo‘lmaydi. CHunki juda ham ko‘pchilik talabalarimiz uzoq viloyatlardan kelib tahsil olayotganliklari barchamizga ayondir! Nima ham deymiz siz azizlarga – albatta kuningiz xayrli bo‘lishini tilab qolgan holda bugungi radioeshittirish navbatini Qurilish materillari muhandisligi fakulteti jamoasi davom ettiradi.