Reja-konspekt

YAkka tartibda armiya biatloni uzluksiz bajariladigan quyidagi ikkita bosqichni o‘z ichiga oladi:
1-bosqich – qurol va gazniqob bilan 1500 metr masofagacha yugurish davomida 3 ta mashqni bajarish:
6 metrli arqonga osilib chiqib, arqonning yuqori qismidagi karabinga qo‘lini tekkizib qaytib tushib (oyog‘i erga tekkunga qadar) yugurishni davom ettiriladi. YUqoridan o‘zini pastga tashlab yuborish qat’iyan taqiqlanadi. (Xavfsizlik talablarini bajarish maqsadida har bir arqon ostiga chuqurligi -
0,5 metr, eni – 3 metr bo‘lgan qum bilan to‘ldirilgan xandak bo‘lishi shart);
yugurib kelib belgilangan joyda granatani aniqlikka uloqtirish (granatalar 40 metrdan uzunlikdagi yo‘lakchaning (eni 10 metr) ichiga uloqtiriladi) va yugurish davom ettiriladi. Birinchi granata yo‘lakchaning ichiga tushmasa, granata uloqtirish amali nishonga tekkunga qadar davom ettiriladi, biroq granatalar soni uch donadan oshmaydi (agar uchala granata ham belgilangan joyga tegmasa, jarima qo‘llaniladi).
yugurib kelib o‘q otish uchun belgilangan joy (tir)da yotgan holda quroldan nishonga qarab o‘q uzib, yugurish davom ettiriladi;
2-bosqich -qurol va gazniqob bilan 1500 metr masofagacha yugurish davomida 3 ta mashqni bajarish:
yugurib kelib belgilangan joyda nishonga pichoqni aniqlikka uloqtirish
va yugurish davom ettiriladi (pichoqni nishonga sanchish shartida nishon 5 metr uzoqlikka joylashtirilgan bo‘lib, 3 marotaba uloqtirish imkoniyati beriladi). Agar ishtirokchining birinchi, ikkinchi yoki uchinchi uloqtirgan pichog‘i nishonga aniq sanchilsa yugurish davom ettiriladi;
engil atletikaning 5 ta barerlaridan (balandligi 80-100 sm) sakrab o‘tish. Engil atletika barerlaridan o‘tish shartida 5 dona barer oraliq masofasi
4 metrdan qilib o‘rnatiladi;
yugurishni davom ettirib, belgilangan joy (tir)da turgan holda quroldan
o‘q otishdan so‘ng (har bir tegmagan nishonlar uchun jarima shaklida ko‘shimcha
100 metrga yuguriladi) finish marrasiga etib kelish. Masofani yugurish davomida qurolni qo‘lga olib yugurish mumkin. Qurol tasmasini ishtirokchi hech qanday qo‘shimcha predmetlarni qo‘llanmagan holda o‘ziga mos tarzda to‘g‘rilab olishga ruxsat beriladi. Agar otish davomida o‘q otilmay qolsa (ishtirokchining xatosidan tashqari) masofani umumiy yugurish vaqtidan har bir otilmagan
o‘q uchun 20 soniyadan olib tashlanadi. Har bir musobaqa ishtirokchisining yuborish vaqti 1-5 daqiqa oralig‘ida bo‘ladi.