Reja-konspekt

Guruh tarkibida:
Armiya biatloni guruh tarkibida quyidagicha o‘tkaziladi:
yugurish davomida harbiy xizmatchilar barcha to‘siqlardan (yakka tartibda ko‘rsatilgandek) to‘liq tarkibda o‘tishi shart;
to‘siqlardan o‘tish tartibini guruh komandiri belgilaydi. Guruh start chizig‘idan finish marrasiga to‘la tarkibda etib kelgandagina mashq bajarildi
deb hisoblanadi. Guruhning masofani bosib o‘tgan vaqti guruhning oxirgi harbiy xizmatchisi etib kelgan vaqt bo‘yicha hisoblanadi.
yugurish davomida ishtirokchilar bir-biriga qurol va gazniqoblarni bermagan holda o‘zaro yordam berishiga ruxsat beriladi;
guruhning barcha shaxsiy tarkibi, shu jumladan, bo‘linma komandiri qaysi yosh guruhiga mansubligidan qat’iy nazar, Armiya biatloni yo‘lagini o‘z guruhi tarkibida bajaradi.
Estafeta:
Armiya biatloni yugurish distansiyasi yo‘lagida bo‘linmalar tarkibida
yoki yakka tartibda estafeta yugurish bo‘linma komandirining qaroriga asosan masofani to‘liq yoki qismlarga bo‘lib o‘tkazishi mumkin.
Armiya biatlonini tashkillashtirish va o‘tkazish uchun harbiy qism (muassasa) komandirlari va boshliqlarining buyrug‘iga asosan batalon yoki vzvod komandiri rahbarligida o‘tkaziladi.
Umumiy talablar:
yotgan holda quroldan o‘q otish uchun – 7 dona, tik turgan holda – 8 dona o‘qlar beriladi. Berilgan o‘qlar bilan 5 ta nishonga aniq tekkizish kerak.
O‘q otish uchun nishonlar 30-50 metr uzoqlikdagi masofalarga o‘rnatiladi;
Armiya biatloni o‘tkazish davomida quyidagi jarima ballari qo‘llaniladi:
balandligi 6 metr arqonga osilib chiqish shartini bajarmagan harbiy xizmatchi mazkur Armiya biatlonini zabt etmagan, ya’ni bajarmagan deb hisoblanadi;
agar arqonning yuqori qismidan o‘zini pastga tashlab yuborsa mashq qaytadan takroriy bajariladi;
agar 3 dona granatalar 40 metr masofaga etib bormasa 30 soniya, yo‘lakchaning ichiga tushmasa 10 soniya jarima beriladi;
agar 3 dona pichoq nishonga sanchilmasa 30 soniya jarima beriladi;
to‘siqlardan o‘tish vaqtida to‘siqni yiqitib yuborsa 5 soniyadan, mazkur shartni bajarmasdan yugurishni davom etsa 30 soniya jarima beriladi;
o‘q otish davomida har bir tegmagan nishonlar uchun jarima shaklida qo‘shimcha 100 metr masofaga yuguriladi.
Ishtirokchilar qoidalarda ko‘rsatilgan barcha mashqlarni to‘liq bajarishi shart.
Armiya biatloni musobaqa tarzida o‘tkaziladi va baholanmaydi.