Reja: Mol-mulk solig’I

6.Aylanmadan olinadigan soliq
Aylanmadan olinadigan soliqni hisoblab chiqarish va to‘lash tartibi saqlab qolinmoqda. Rieltorlik xizmatini ko‘rsatuvchi shaxslarga soliq stavkasi 25 foizdan 13 foizgacha kamaytirildi. Qolgan soliq to‘lovchilar uchun 2020 yilda amalda bo‘lgan soliq stavkalari saqlab qolinmoqda.
7.Mulk solig‘i
Yuridik va jismoniy shaxslardan olinadigan mol-mulk solig‘ini hisoblash va to‘lash tartibi, shuningdek, yuridik shaxslar uchun bazaviy soliq stavkasi 2 foiz miqdorida saqlab qolinmoqda.
Soliq kodeksining 415-moddasi to‘rtinchi qismida nazarda tutilgan obektlarga nisbatan pasaytirilgan soliq stavkasini 0,2dan 0,4 foizga oshirish yo‘li bilan yuridik shaxslar uchun pasaytirilgan soliq stavkasini bosqichma-bosqich bazaviy stavkaga yetkazish davom ettirilmoqda. Yuridik shaxslar uchun pasaytirilgan soliq stavkasi 2020 yil 1 yanvardan boshlab, avval soliq imtiyozlari taqdim etilgan obektlar bo‘yicha joriy etilgan edi.
Jismoniy shaxslar uchun 2020 yilda amalda bo‘lgan soliq stavkalari 1,15 baravariga indeksatsiya qilinadi. Bunda, jismoniy shaxslar uchun 2018 yilda belgilangan kadastr qiymati asosida hisoblangan soliq summasi, 2020 yilda hisoblangan soliq summasiga nisbatan 30 foizdan ko‘p oshirilishi mumkin emas.
Turistik zonalarda joylashgan sanatoriy-kurort obektlari bo‘yicha soliq imtiyozlari bekor qilinmoqda.
Jismoniy shaxslar 2021 yil uchun uy-joy solig‘ini qachongacha to‘lashi mumkin? 

Davlat soliq qo‘mitasi jismoniy shaxslar 2021 yil uchun uy-joyga hisoblangan soliqlar to‘g‘risida xabarnoma olganda qachongacha uy-joy solig‘ini to‘lashi mumkinligini ma'lum qildi. 

Soliq kodeksining 423-moddasiga binoan, jismoniy shaxslar egaligidagi mol-mulk va yer uchastkalariga joriy yil uchun hisoblangan soliqlarni teng ulushlarda 15 aprel va 15 oktyabrga qadar to‘lash lozimligi belgilangan.
DSQ jismoniy shaxslar mol-mulk va yer uchastkalari uchun soliqlarni onlayn to‘lash usulini tushuntirdi. 
«Soliq to‘lovlarini «Soliq» mobil ilovasi orqali xohlagan manzil va istalgan paytda to‘lash mumkin. Buning uchun ilovaning jismoniy shaxslar va undan keyin kirish bo‘limi tanlanadi. Ushbu bo‘limga elektron raqamli imzo (ERI) yoki jismoniy shaxslarning shaxsiy identifikatsiya raqami (PINFL) kiritiladi. So‘ngra oynada jismoniy shaxsga hisoblangan u to‘lagan yoki to‘lashi zarur bo‘lgan soliqlar avtomatik tarzda shakllanadi. Foydalanuvchi yer yoki molk-mulk solig‘ini to‘lash uchun ushbu oynada shakllangan «mening obektlarim» bo‘limiga obekt manzilini kiritishi kerak. Shunda obekt egasining ismi familiyasi, STIRi, obekt kodi, soliq turi va soliq miqdori paydo bo‘ladi. To‘lov summasi aniqlangach, uni belgilangan satrga kiritish talab etiladi. To‘lov reysteri orqali esa to‘lovlarni tekshirish mumkin. 
Shuningdek, jismoniy shaxslar mol-mulk va yer soliqlarini uydan chiqmagan holda «Soliq» ilovasidan tashqari «Payme», «Click» va boshqa mobil ilovalar orqali to‘lash imkoni mavjud», deyiladi rasmiy xabarda. 
Avvalroq soliq kodeksiga o‘zgartirish kiritilayotgani va unda Farg‘ona viloyatining ayrim hududlari eksklav hududlar sifatida e'tirof etilib, ushbu joylarda kodeksda nazarda tutilgan soliq stavkalaridan qat'i nazar, ayrim soliq stavkalari belgilanishi mumkinligi xabar qilingan edi.
Shuningdek, soliq kodeksiga o‘zgartirish kiritish to‘g‘risidagi qonun loyihasida 2020 yil 31 dekabrgacha davrda soliq qarzi bo‘lgan ayrim soliq to‘lovchilardan 2 yilgacha soliq qarzi undirilmasligi va elektromobillarga soliq imtiyozlari berilishi taklif etilayotgani ma'lum qilingandi.