Reja: Turli mulkchilik shaklidagi korxonalarda ustav kapitalini shakllantirish xususiyatlari

XUSUSIY KAPITAL HISOBI

REJA:

1. 
   Turli mulkchilik shaklidagi korxonalarda ustav kapitalini shakllantirish xususiyatlari.
   
2. 
   Ustav kapitalining shakllanishi va foydalanilishi hisobi.
   
3. 
   Qo‘shilgan hamda rezerv kapitali hisobi.
   

4. 
   Taqsimlanmagan foyda va dividendlar hisobi.
   

Tayanch so‘z va iboralar: turli mulkchilik shaklidagi korxonalarda ustav kapitali, ustav kapitalining shakllanishi, ta’sischilar bilan hisoblashishishlar, zaxira kapitali, xususiy aktsiyalarining sotib olish, taksimlanmagan foydani aniklash va uni taksimlashni
1. Turli mulkchilik shaklidagi korxonalarda ustav kapitalini shakllantirish xususiyatlari
Bugungi kunda respublikamizda turli mulkchilik shaklidagi korxonalar o‘z faoliyatlarini amalga oshirib kelmokda. Bularga davlat mulki shaklidagi, aksiyadorlik jamiyati shaklidagi, ma’suliyati cheklangan jamiyat shaklidagi, qo‘shma korxona shaklidagi va boshqa korxonalar kiradi.
Davlat korxonasining ustav kapitali - davlat tomonidan korxonaning doimiy tasarrufiga tekinga berilgan moddiy va pul mablag‘lari summasidir. Ustav kapitali hiobiga asosiy va aylanma mablag‘lar shakllanadi.
Korxonaga asosiy vosita mavjud ishlab chiqarish hajmiga va ishlab chiqarishga xizmat ko‘rsatish obyektlariga karab, aylanma mablag‘lar esa normativlar asosida beriladi. Normativ yuqori tashkilot tomonidan belgilanadi, ammo ularni taqsimlashni korxonaning o‘zi mustaqil amalga oshiradi. Amaldagi tartibga ko‘ra korxona ustav kapitali miqdori uning ta’sis hujjatlarida kayd etilgan miqdoriga muvofiq bo‘lishi kerak Davlat korxonasi uchun yuqori turgan tashkilotning korxonani tashkil etish va uning balansiga ustav kapitalini o‘tkazish to‘g‘risidagi buyrugi ta’sis hujjati Hisoblanadi.
Ba’zi hollarda davlat korxonasining ustav kapitali hajmi o‘zgarishi mumkin. Ustav kapitali miqdorini faqatgina yukori tashkilot o‘zgartirishi mumkin.