Respublika davlat bolalar kutubxonasi

- 5 - 9 sinf o‘quvchilariga ta'lim resurslari bo‘yicha axborot xizmat ko‘rsatish sho'basi:

SHo‘ba 5 - 7, 8-10 sinf o‘quvchilariga xizmat ko‘rsatadi. Kitob fondi 7500 nusxani tashkil etadi. Kitoblar KBK bo‘yicha joylashtirilgan. Sho‘bada tabiiy fanlar, texnika va qishloq xo‘jaligi, sport va sog‘liqni saqlash, maktab dasturi bo‘yicha adabiyotlar mavjud. Abonementda ikki guruhga bo‘lingan holda ya'ni 5 - 7 sinf o‘quvchilari va 8 - 10 sinf o‘quvchilari uchun alohida - alohida kitob berish tashkil etilgan. Kitobxonlar kitoblarni 10 kun muhlat bilan oladilar. Sho‘bada o‘quvchilarimiz o‘zlariga kerakli adabiyotlarni tanlashlari uchun ochiq kitob fondi barpo etilgan, kitob javonida yo‘q kitoblarni kutubxonani alifbo va tizimli kataloglaridan foydalanib buyurtma berishlari mumkin.

O‘quv zalida kutubxonaning eng nodir kitoblari jamlangan: Ensiklopediyalar, lug‘atlar, darsliklar, gazeta va jurnallar, badiiy adabiyotlar shular jumlasidandir.

O‘quv zalida turli xil kechalar, taniqli yozuvchilar, shoirlar, mashhur kishilar bilan uchrashuvlar o‘tkaziladi. Bu o‘quv zalida o‘tkaziladigan har bir tadbir o‘quvchilarni yanada ko‘proq kutubxonaga kelishlarida muhim vosita bo‘lib xizmat qiladi. Chunki ular mashhur kishilar bilan jonli muloqot qiladilar, hamda o‘zlarini qiziqtirgan savollarga javob oladilar.