Respublika davlat bolalar kutubxonasi

- Ma'naviyat, ma'rifat va san'at bo‘yicha mediaresurs sho‘basi:

Ma'naviyat, ma'rifat va san'at bo‘yicha mediaresurs bo‘limining kitob fondi 4000 ga yaqin bo‘lib undan 2000 tasi san'atga doir adabiyotlardir. Bular musiqa, raqs, kino, teatr, tasviriy san'atga oid kitoblardir. Notalar esa alohida kitob javonlarida joylashgan.

San'atga oid adabiyotlardan tashqari ma'naviyat va ma'rifatga doir kitoblar ham mavjud. Sho‘ba doimiy ravishda “O‘zbekiston adabiyoti va san'ati” gazetasini, “Teatr”, “San'at”, “Saodat”, “Guliston”, “Veselie notki”, “Yuniy xudojnik” nomli jurnallarni oladi. Sho‘ba Toshkent shahridagi maktablarning o‘quvchilariga va talabalariga xizmat ko‘rsatadi.

Sho‘ba xodimlari tomonidan doimiy ravishda xar xil tadbirlar o‘tkaziladi. Masalan, san'at ustalari, kino aktyorlari, shoirlar va kompozitorlar bilan uchrashuvlar, kollej va institut talabalari bilan birgalikda bayram kechalari tayyorlanadi. Eng kichik yoshdagi maktab o‘quvchilari uchun esa “Musiqiy mehmonxona” nomli sirli musiqa olamiga sayohat tashkil etilgan. “Musiqiy mehmonxona” ni tashkil qilishdan asosiy maqsad, o‘sib kelayotgan yosh avlodga musiqa sirlarini ochib berish, ularni musiqaga yaqinlashtirish, musiqa asboblari bilan tanishtirishdir, chunki musiqa har bir insonda yaxshi fazilatlarni va nozik tuyg‘ularni uyg‘otadi.