Risolat 1-ma’ruza: moliyaviy savodxonlik fanining maqsadi va ijtimoiy zaruriyat ekanligi. Umumiy turdagi davlat va nodavlat maktabgacha ta’lim tashkilotlari to‘G‘risida nizom. Reja

Nodavlat ta’lim xizmatlari ko‘rsatish sohasidagi faoliyat bo‘yicha litsenziya olish uchun zarur bo‘lgan hujjatlar. Ushbu litsenziyani olish uchun talabgor quyidagi hujjatlarni davlat xizmatlari markazlariga yoki elektron shaklda yagona interaktiv davlat xizmatlari partoliga yuboradi.
Litsenziya berish to‘g‘risidagi ariza bunda yuridik shaxsning nomi va tashkiliy-huquqiy shakli, joylashgan yeri, pochta manzili, ta’lim faoliyatini amalga oshirish joyining manzili, bank muassasasining nomi va bankdagi hisob raqami, faoliyatning litsenziyalanayotgan turi, ta’lim faoliyati yo‘nalishlari ro‘yhati. Litsenziya berish to‘g‘risidagi arizada litsenziya talabgorining litsenziya talablari va shartlariga rioya qilishga roziligi va elektron manzili ko‘rsatiladi.Bundan tashqari yong‘in va sanitariya-epidemiologiya xizmati organlarining mavjud binolar va xonalarning yong‘in xavfsizligi talablariga va sanitariya-gigiyena normalariga muvofiqligi to‘g‘risidagi xulosalari, pedagog kadrlar haqida ma’lumot, o‘quv rejasi va dasturlarining elektron nushasi. Ixtisoslashtirilgan nodavlat MTT lari tashkil etilgan hollarda O‘zbekiston Respublikasi Maktabgacha ta’lim vazirligi va Sog‘liqni saqlash vazirligi tomonidan berilgan ruxsatnomalar nusxalari shuningdek ariza ko‘rib chiqilganligi uchun litsenziya talabgori tomonidan yig‘im to‘langanligini tasdiqlovchi hujjat nusxasi. Litsenziya berish to‘g‘risidagi arizada litsenziya talabgorining elektron manzili ko‘rsatilganligi uning arizasi bo‘yicha qabul qilingan qaror haqida elektron shaklda xabarnoma olishga bo‘lgan roziligi hisoblanadi. Davlat xizmatlari markazlari yoki Yagona interaktiv davlat xizmatlari portali orqali zarur ma’lumotlar kiritilgandan so‘ng litsenziya talabgorining elektron raqamli imzosi bilan tasdiqlanadi. Ishonchsiz yoki noto‘g‘ri ma’lumotlar taqdim etilganligi uchun litsenziya da’vogari qonun hujjatlariga muvofiq javob beradi.
Litsenziya da’vogari tomonidan nodavlat ta’lim xizmatlari ko‘rsatish maqsadida litsenziya olish uchun ariza topshirgani litsenziya shartlari va talablariga rioya etishiga bo‘lgan roziligi hisoblanadi. O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi ta’lim tizimi boshqaruvi va vakolati organlar litsenziyasi tomonidan rioya etilishini qonun hujjatlarida belgilangan tartibda nazorat qiladi. Litsenziyalovchi organ litsenziya talablari va shartlariga rioya etilishini nazorat qilishda o‘z vakolatlari doirasida quyidagi huquqlarga ega: litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziat tomonidan litsenziya talablari shartlariga rioya etilishini qonun hujjatlarida belgilangan tartibda tekshirish; litsenziya talablari va shartlariga rioya etilishini tekshirish chog‘ida paydo bo‘ladigan masalalar bo‘yicha zarur axborotni litsenziatdan talab qilish va olish; tekshirishlar natijalari asosida litsenziya talablari va shartlarining litsenziat tomonidan buzilishlarini aniq ko‘rsatgan holda dalolatnomalar rasmiylashtirish;
Litsenziatga litsenziya talablari va shartlarining buzilishlarini bartaraf etish majburiyatini yuklovchi qarorlar chiqarish ularni bartaraf etish muddatlarini belgilash;
Litsenziyaning amal qilishini to‘xtatib turish va tugatish yoxud litsenziyani bekor qilish to‘g‘risida qonun hujjatlarida belgilangan tartibda qaror chiqarish.
Litsenziya talablari va shartlariga rioya etilishini nazorat qilishda litsenziyalovchi organning tekshiruvchi xodimlari tomonidan ikki nusxada dalolatnoma tuziladi ularning bittasi litsenziatga beriladi ikkinchisi tegishliligi bo‘yicha O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasida qoladi.