111
Камила оловни пуфлаб ёндираётган беканинг
ҳаракатларига бефарқ қараб ётарди.
− Муҳаббат − музнинг ўзи. Сўра бошласанг − ширин-
шакар, кейин қарасанг, биттагина чўп қолади!
Кўчада қадам товушлари эшитилди. Камиланинг
юраги қаттиқ
уриб кетди, иккала қўли билан кўксини
чангаллади. Товушлар эшикдан узоқлашади ва аста-се
-
кин йўқ бўлди.
− У келаяпти деб ўйлагандим.
− Ҳозир келади!
− Менимча, у аввал қариндошларимникига боради.
Топдим, у Хуан амаким билан бирга келади...
− Пишт! Сутга мушук тегиб қўйди. Ҳайдаш керак...
Камила мушукка қаради, стуллардан бирида тур
-
ган идишдаги сутни
ича бошлаган мушук беканинг
ҳайқириғидан қўрқиб, мўйловларини ялаб қочишга шай
-
ланди.
− Мушугингизнинг оти нима?
− Ладан...
− Мениям мушукчам бор эди. Капля деб чақирардик.
− Ана кимдир келаяпти! Балки...
У келган эди.
Бека эшикни очгунча, Камила сочларини тартибга со
-
либ улгурди. Юраги дукуллайди. Бутун кун бўйи (унинг
адоғи йўқдек туюлди) тинка-мадори қуриди, руҳан
эзилди, довдиради, ўзаро пичирлашиб гаплашаётган
жарроҳлар ҳузурида турган оғир беморга ўхшаб шалпа-
йиб қолди.
Кара де Анхел остонадан ўтиши билан юзидаги таш
-
виш ифодасини сидириб ташлаган эди. У очиқ чеҳра би
-
лан:
− Яхши хабарлар бор, сеньорита! − деди.
Камила каравот оёғига
суяниб турар, юзи тахта
-
дек қотиб қолган, кўзлари ёшга тўла эди. Мулозим уни
қўлидан ушлади.
− Аввало, энг муҳими, отангиз ҳақида. − У бекага бир
қараб олиб, товуш оҳангини ўзгартирмасдан бошқа нар
-
са ҳақида гапирди:
112
− Отангиз бу ерда эканингизни билмайди...
− Ўзи қаерда?
− Тинчланинг!
− У соғ-саломат эканини билсам бўлди!..
− Ўтирсангизчи, дон-н-н-н... − гапга аралашди бека
унга курси қўйиб берар экан.
− Раҳмат...
− Сизлар бемалол гаплашиб олинглар, ҳозир сизлар
-
га керагим йўққа ўхшайди, яхшиси, мен бориб Лусиодан
хабар олай, эрталаб чиқиб кетганича дараги йўқ.
Мулозим Камилани ёлғиз қолдириб ташқарига чиқ-
манг демоқчи бўлиб, оғиз жуфтлаганича қолди. Бека
кийимларини алмаштириш учун ичкари хонага кириб
кетди, унинг ўрнига Камила жавоб берди:
− Қилган барча яхшиликларингиз худодан қайтсин,
сеньора! Эшитяпсизми?.. У нақадар меҳрибон камбағал
аёл! Фақат олижаноб гаплар билан дилимни овутди! Сиз
жуда бадавлатсиз, олижаноб, насли тоза одамсиз, у сизни
кўпдан бери яхши билади...
− Ҳа, меҳрибон аёл экани кўриниб турибди, аммо,
шундай бўлса ҳам унинг олдида ҳамма
гапни айтиш
мумкин эмас, у бизни холи қолдиргани маъқул. Отангиз
ҳақидаги маълумот шуки, у хавфсиз жойда, то чегарадан
ўтиб кетгунча бошқа ҳеч қандай маълумот ололмайсиз.
Қани, айтинг-чи, бояги хотинга отангиз ҳақида бирон
нарса дедингизми?
− Йўқ, у ҳаммасидан хабардор деб ўйладим.
− Шуниси маъқул, у ҳеч нарсани билмаслиги керак.
− Амакиларим нима дейишди?
− Отангиз билан бўлиб, уларникига боролмадим.
Аммо эртага кириб ўтаман, деб уларни огоҳлантирдим.
− Ташвишга қўйганим учун кечирасиз. Ўзингиз кўриб
турибсиз-ку, уларникида тинчроқ бўламан. Айниқса,
Хуан амакимникида. У мени чўқинтирган отам, ўзининг
қизидек бўлиб қолганман...
− Тез-тез кўришиб турардингизми?
− Деярли ҳар куни... Ҳа... Деярли...
Агар боролмай
қолсак, у бизникига ё бир ўзи, ё хотини билан келар
-
113
ди... Дадам уни жонидан ортиқ суярди. Дадам: «Мен йўқ
бўлсам, Хуан билан қоласан. Сен уни ардоқлашинг ва
отанг ўрнида кўришинг керак», деб кўп такрорларди. Як
-
шанба куни ҳар доим бирга тушлик қилардик.
− Нима бўлишидан қатъи назар, сизни полициядан
яшириш учун бу ерга олиб келганимни билиб қўйганин-
гиз яхши.
Пилиги тозаланмаган шамчироқ шабкўр одамга ўхшаб
тебраниб, хира нур сочади.
− Нимани ўйлаб қолдингиз?
У содда ва хотиржам гапирарди.
− Отамни ўйлаяпман, ҳозир унга қанчалик оғир, бего
-
на жойларда... қоронғи... сизга қандай тушунтирсам... У
оч қолган, ухлагиси, сув ичгиси келади... унга қарайдиган
ҳеч ким йўқ... Унга Биби Марям мададкор бўлсин!..
Унинг сурати олдида бугун кун бўйи шам ёниб турди...
− Ҳар хил хаёлларга бориб, бошингизга фалокатни
чақирманг. Пешонага нима битилган бўлса, шу бўлади.
Тақдир
бизни учраштирди, отангизга ёрдам бераман,
деб ким ўйлаб кўрибди? − Қизнинг қўлидан ушлади, у
қаршилик қилмади, иккаласи Муқаддас аёл тасвирига
узоқ тикилиб ўтиришди.
Do'stlaringiz bilan baham: