Rta maxsus ta’lim vazirligi guliston davlat universiteti

1. “Analitik kimyo” fanining dolzarbligi va ahamiyati
Аnalitik kimyo fani murakkab moddalar tarkibi va ularni analiz qilish usullarini ishlab chiquvchi, qonunlari va tajribalari asosida analiz tahlillarni borishini tushintirib beruvchi fandir. Bu fan o’z xarakteri bilan nazariy fan bo’lib kimyoviy jarayonlarning umumlashgan qonunlari, ular orasidagi ichki bog’lanishlar, ularning mohiyatini ochib beruvchi fandir.
Ushbu fan yosh mutaxassislarni tayorlashda katta ahamiyatga ega. Hozirgi sharoitda korxonalarni analitik kimyo laboratoriyalarisiz tasavvur qilib bo’lmaydi, chunki bu laboratoriyalarda jarayonlarni nazorat qilish, ularni borish – bormasligini oldindan aytib berish, jarayon qanday yo’nalishda boradi, reaktsiya unumi qanday bo’ladi kabi savollarga fizikaviy kimyo fanidan javob topish mumkin.

Mazkur fanni o’qitish vazifalari:

• 
  Analitik kimyoning qonunlari va tushunchalariga asoslanib, jarayon va o’zgarishlarni o’rganishda tahliliy yondoshish;
  
• 
  kimyo va fizika fanlaridan olgan bilimlarni umumlashtirish, keyingi kurslarda o’z mutaxassisligi bo’yicha o’rganidan fanlarni yaxshi o’rganish uchun nazariy asoslarni shakllantirish;
  
• 
  texnika fanlari bakalavrlari sanoatda boradigan kimyoviy jarayonlarning moxiyatini tushungan xolda, ongli ravishda va optimal sharoitda olib borishga qo’llanma bera oladigan nazariy ilm berish;
  
• 
  fizik kimyoviy tadqiqot o’tkazish va olingan natijalarni mohiyatini tushuna olish imkoniyatlari bilan tanishtirish.
  

1. MA’RUZALAR KURSI


1-MAVZU: KIRISH. ANALITIK KIMYO FANINING MAQSADI VA VAZIFALARI. ANALITIK KIMYONING TARAQQIYOTI
REJA:

1. 
   Analitik kimyo maqsadi va vazifalari nimalardan iborat.
   
2. 
   Analitik kimyoning qisqacha tarixiy taraqqiyot davrlari
   
3. 
   Sifat analizi usullarining sinflanishi.
   

Mavzuga oid tayanch tushuncha va iboralar:
Identifikatsiyalash, ionlar, sifat va miqdoriy aniqlash, filtrlash, cho’ktirish, element analizi, titrimetrik analiz, xo’l va quruq analitik usullar.