Сайлов участкалари қандай тартибда ва ким томонидан тузилади?

Сайловчи нима асосида муддатдан олдин овоз бериш учун сайлов бюллетенини олади?
Муддатидан олдин овоз беришни амалга ошириш учун сайловчи сайлов кунида бўла олмаслигининг сабаблари (таътил, хизмат сафари, хорижга чиқиш ва ҳоказо) кўрсатилган ариза асосида тегишли участка сайлов комиссиясидан сайлов бюллетенини олади.


Муддатдан олдин овоз берилганда сайлов бюллетени қаерда қолдирилади ва қандай сақланади?
Сайловчи қарор қабул қилади ва тўлдирилган сайлов бюллетенини ёпиқ конвертда қолдиради, конверт тегишли участка сайлов комиссиясининг сейфида сақланади.


Ўзбекистон Республикасида сайлов қандай сайлов хуқуқи асосида ўтказилади?
Ўзбекистон Республикасида сайлов умумий, тенг, тўғридан-тўғри сайлов ҳуқуқи асосида яширин овоз бериш орқали ўтказилади.


Сайлов комиссиялари ўзига келиб тушган мурожатларни қанча муддатда кўриб чиқиши ва ёзма равишда жавоб беришлари белгинланган?
Сайлов комиссиялари сайлов кампаниясини ўтказиш даврида жисмоний ва юридик шахсларнинг ушбу Кодекс талаблари бузилганлиги ёки сайловни ташкил этишнинг бошқа масалалари хусусида ўзига келиб тушган мурожаатларини ўз ваколатлари доирасида кўриб чиқиши, ушбу мурожаатлар бўйича текширувлар ўтказиши ва уч кунлик муддатда уларга ёзма жавоблар бериши, сайловга камида олти кун қолганида ёки овоз бериш куни келиб тушган мурожаатларни эса дарҳол кўриб чиқиб, жавоб қайтариши шарт.


Сайловчига нечта бюллетен берилади?
Сайловчига Олий Мажлис Қонунчилик палатаси депутат сайлови учун 1 дона, Ҳалқ депутатлари вилоят кенгаши депутат сайлови учун 1 дона, Ҳалқ депутатлари туман ёки шаҳар кенгаши депутат сайлови учун 1 дона, жами 3 дона бюллетен берилади.