Samarqand davlat universiteti pedagogika fakulteti psixologiya yo‘nalishi 302-guruh talabalari bilan o‘tkazilgan «El sog’ligi – yurt boyligi»

Samarqand davlat universiteti pedagogika fakulteti psixologiya yo‘nalishi 302-guruh talabalari bilan o‘tkazilgan «El sog’ligi – yurt boyligi» nomli davra suhbati
B A Y O N N O M A S I


Samarqand - 2018

Samarqand davlat universiteti pedagogika fakulteti psixologiya yo‘nalishida «Sport – sog’lomlashtirish» haftaligida “El sog’ligi – yurt boyligi” mavzusida o’tkazilgan davra suhbati
B A YO N N O M A S I
12.01.2017 yil Pedagogika fakulteti
Qatnashdilar: Kafedra mudiri dots.M.Salaxutdinova, guruh rahbari M.Kushanova, kafedra professor-o’qituvchilari va psixologiya yo‘nalishi talabalari.
KUN TARTIBI:

1. 
   302-guruh talabalari bilan o’tkazilgan “El sog’ligi – yurt boyligi” mavzusidagi davra suhbati.
   

ESHITILDI: guruh rahbari M.Kushanovaning “El sog’ligi – yurt boyligi” mavzusida ma’ruzasi tinglandi. Ushbu davra suhbatida guruh rahbari M.Kushanova so’zga chiqib: hozirgi kunda mamlakatimizda sportga qanchalik katta e’tibor qaratilayotganligi va farzandlarimizning har tomonlama sog'lom bo'lib ulg'ayishida joylarda tashkil etilayotgan turli sport musobaqalari ham muhim ahamiyat kasb etmoqda. Tahlillar va erishilgan natijalar shuni ko'rsatmoqdaki, yoshlarimiz orasida futbol, minifutbol, tennis, stol tennisi, shaxmat, badiiy gimnastika, suzish, baydarka va kanoeda eshkak eshish, akademik eshkak eshish, kurash, belbog'li kurash, yunon-rum kurashi, boks, yengil atletika singari sport turlariga qiziqish tobora ortib bormoqda. Zamonaviy sport majmualarining jihozlanish darajasi sportning 30dan ziyod turi bilan muntazam shug'ullanish imkonini bermoqda. hozirga kelib, mamlakatda faoliyat yuritayotgan 536 ta bolalar va o'smirlar sport maktablari, 13 ta olimpiya zahiralari kollejlari hamda 8 ta Respublika oliy sport mahorati maktabida yuqori malakali, iste'dodli sportchilar tayyorlanmoqda. Malakali sportchilarni tayyorlash bilan birga, ommaviy sportni rivojlantirishda sport jamoalari, federasiyalar va boshlang'ich sport jamoalari tomonidan sezilarli ishlar amalga oshirildi. 1991 yilda yurtimizda faoliyat ko'rsatuvchi 52 sport turi mavjud bo'lsa, 2011 yilga kelib ularning soni 75 taga yetdi. Bugungi kunda amalda bo'lgan 75 ta sport turidan 68 dan ziyodi yurtimizning barcha hududlarida keng rivoj topib, ularni ommalashtirish uchun barcha sharoitlar yaratilgan. Buning natijasida sport bilan muntazam shug'ullanuvchilar soni yildan-yilga ortib bormoqda. Mamlakatda yosh avlodning jismoniy va ma'naviy barkamolligini ta'minlash, sog'lom turmush tarziga intilish va sportga nisbatan mehr-muhabbatni rivojlantirish, joylarda bolalar sportining moddiy bazasini yaratish, aholi yashaydigan joylarda zamonaviy bolalar sport komplekslari tarmog'ini barpo etish hamda sport uskunalari va jihozlari bilan ta'minlash ishlarini yanada faollashtirish maqsadida Yurtboshimiz tashabbusi bilan 2002 yilda "O'zbekiston bolalar sportini rivojlantirish jamg'armasi" tashkil etildi.
Sport har bir davlatning kuch-qudratini, ma’naviy salohiyatini, bor bilim va qudratini namoyon qilish uchun katta imkoniyat ochib beruvchi soha bo’lib hisoblanadi. Bizning mamlakatimizda yoshlarni sportga yo’llash borasida qator ishlar amalga oshirilmoqda. Guruhda sport bilan muntazam shug’ullanuvchi talabalar ham bo’lib shular jumlasidan: Jalilov Ulug’bek o’zining sport yuzasidan bor mahoratini kelajak avlodga bir necha yillardan beri o’rgatib keladi. Jalilov Ulug’bek sportning og’ir atletika turi bilan muntazam shug’ullanib keladi. Bu borada u viloyatda bir necha marta faxrli o’rinlarni egallagan. Bu borada U.Jalilov sportning yoshlar tarbiyasiga ijobiy ta’siri haqida qisqacha gapirib o’tdi. Bunda har bir talaba sport turlarini o’zlashtirishi va kelajakdagi faoliyatida shu uslublarni qo’llashi natijasida Vatanimiz ravnaqiga o’z hissasini qo’shishi mumkinligi gapirib o’tildi.
Ma’ruzadan so’ng guruh talabalari ushbu mavzu bo’yicha savol-javoblar, bahs-munozaralar tashkil etishdi. Sport haqida talabalar o’z fikrlarini aytib o’tishdi va barcha savollarga tegishli javoblar olindi. Davra suhbati juda ham qiziqarli va sermazmun o’tdi.

QAROR QILINDI:

1. 
   Guruh rahbari M.Kushanovaning «Sport – sog’lomlashtirish» haftaligida “El sog’ligi – yurt boyligi” mavzusida 302-guruhda o’tkazilgan tadbir ma’ruzasi ma’lumot uchun qabul qilinsin.
   
2. 
   Talabalar tomonidan tashkil etilgan davra suhbati kelgusida yanada kengroq, mukammalroq qilib tashkil etilsin.
   

Guruh rahbari: M.Kushanova
Kotib: F.Yunusova