Samarqand davlat universitetining o o‘zbekiston-Finlandiya pedagogika instituti Xorijiy tillar va gumanitar fanlar fakulteti

Samarqand davlat universitetining O O‘zbekiston-Finlandiya pedagogika instituti
Xorijiy tillar va gumanitar fanlar fakulteti
“O’zbek tili va adabiyoti va ijtimoiy gumanitar fanlar” kafedrasi
70111101 – Ijtimoiy gumanitar fanlarni o’qitish metodikasi (tarixni o’qitish metodikasi) yo’nalishi magistratura mutaxassisligi bo’yicha
1-bosqich talabasi Bo’riyev To’lqin Mansurovichning ilmiy-tadqiqot va ilmiy pedagogik ishlar bo‘yicha


H I S O B O T

SamDU O‘zbekiston-Finlandiya pedagogika instituti Xorijiy tillar va ijtimoiy-gumanitar fanlar fakulteti o‘zbek tili va adabiyoti yo‘nalishi 1-kurs magistranti Bo’riyev To’lqinning ilmiy tadqiqotchilik, ilmiy pedagogik faoliyati yuzasidan 2021-yil yil yakunlari bo‘yicha
HISOBOTI
2021-2022 o‘quv yilining o‘tgan davri mobaynida 5A70111401 – O‘zbek tili va adabiyoti yo‘nalishi magistratura mutaxassisligi o‘quv rejasida belgilangan fanlardan ma’ruza va semenar mashg‘ulotlarida qatnashdim va ijobiy o‘zlashtirishdim.
Jumladan: umum metodologik fanlardan “O’zbekistonning qadimgi va o’rta asr tarixi’’, “Jahon tarixi sivilizatsiyasi” fanini; mutaxassislik fanlaridan “Tarix fani metodologiyasi”, “Tarix ta’lim jarayonida tahlil va pedagogik tadqiqotlar”, “Ilmiy-tadqiqot metodologiya”, “O’zbekiston tarixi fanida innovatsiyalar’’ kabi bir qator fanlarini ma’ruza va seminar mashg‘ulotlariga muntazam qatnashib, darslarni o‘zlashtirdim.
Sentabr oyi mobaynida o‘quv metodik ishlar yuzasidan shaxsiy kalendar ish rejamda belgilangan “O‘zbek tili va adabiyoti, ijtimoiy gumanitar fanlar’’ kafedrasi professor o‘qituvchilarining darsalarini kuzatdim. Ish rejasida o‘tilishi rejalashtirilgan ma’ruza va seminar mashg’ulotlarini kuzatish asnosida pedagogik tajribamni boyitdim. Kafedrada olib boriladigan fanlarning o‘quv dasturlari bilan tanishib, ularni ishlab chiqish mexanizmlarini o‘rganib, belgilangan fanlardan o‘quv dasturi ishlab chiqish va dastur asosida kalendar ish reja tuzish ko‘nikmalariga ega bo‘ldim.
Oktabr oyida dars mashg‘ulotlarini kuzatdim, xususan, ushbu kafedra o‘qituvchilari Sharipov Shahriddin, S.Qo’chqorov, Soipov Ulug’bek ustozlarning fanlardan ma’ruzalar tayyorlash, seminar mashg‘ulotlar o‘tkazish uchun o‘quv materiallari (uslubiy ishlanmalar, prezentatsiyalar, tarqatma materiallar va boshq.) tayyorlashni o‘rgandim.
Noyabr oyi davomida talabalardan mustaqil bilim olishining tashkiliy va o‘quv-uslubiy ta’minotini o‘rganish jarayonida talabalar uchun mustaqil ishlarni tashkil qilish va ularni qabul qilish jarayonlarida ishtirok etdim. Shuningdek, guruh murabbiyi sifatida tarbiyaviy ishlar olib borish, axborot soatlari, davra suhbatlari tashkil etish yuzasidan tyutorlar faoliyati bilan tanishdim.
Dekabr oyi mobaynida fakultet va dekanat faoliyatini tashkil etish bo‘yicha me’yoriy hujjatlar (yuqori tashkilotlardan kelgan qarorlar, buyruqlar va topshiriqlar kabi) bilan tanishdim, hisobotlar tayyorlashni o‘rgandim. Bundan tashqari, kafedra faoliyatini tashkil etish bo‘yicha me’yoriy hujjatlar, topshiriqlar va so‘rovlarga javob va ma’lumotlar tayyorlash ko‘nikmasiga ega bo‘ldim.
Ilmiy tadqiqot ishim yuzasidan ham o‘tgan to‘rt oy davomida bir qator ishlarni amalga oshirdim. Sentabr oyida magistrlik dissertatsiyamning mavzusini tanladim va uni kafedra tasdig‘idan o‘tkazdim. Shundan so‘ng ilmiy rahbarim Falsafa fanlar doktori (PhD) Muhiddinov Sunnatullo “O’zbekistonda sharq allomalarining ilmiy merosining o’rganilish masalalari (metodik tavsifi)” mavzusidagi tadqiqot ishim yuzasidan ilmiy maqolalar tayyorlash, tezislar yozish, mavzum bo‘yicha amaliyotga bog‘liq muammolarni o‘rganib, ularni ilmiy hal qilish bo‘yicha aniq tavsiyalar, uslubiy ko‘rsatmalar oldim.
Shuningdek, oktabr, noyabr, dekabr oylari davomida ilmiy tadqiqot ishim bo‘yicha bir qator kitoblar, o‘quv qo‘llanmalar, maqola va tezislar Yurtimiz olimlaridan Sharq uyg’onish davri muammolari bilan B.Bobojonov, A. Irisov, M. Xayrullayev, N. Ibragimov, I. Mo’minov, Abu Rayhon Beruniy ilmiy merosi bilan A. Rasulov, B. Bulgakov, A.Irisov, A.Sharipov, P. Shermuhamedov, A. Qayumov, M. G. Davlatshin, A. Nosirov, Z. G. Nuritdinova, S. R. Raximov, I. M. Mo’minov shuningdek, Abu Ali Ibn Sino merosining tadqiqotlari bilan A. Qayumov, S. Mirzayev, A. Murodov, A. Rasulov, U. I. Karimov, Yu. N. Zavadovskiy, P.G. Bulgakov, H. Hikmatullayev, A. Irisov kabi olimlar ilmiy tadqiqotlari bilan tanishdim. Turli manbalarni to‘plashga erishdim; talabalar, magistrantlar va yosh olimlarning ilmiy anjumanlarida ishtirok etdim.
Ushbu vaqt mobaynida bir simester mobaynida o‘tilgan darslardan kurs ishi va mustaqil ishlar topshirib, bilimimni yanada mustahkamlab bormoqdaman.
Ilmiy tadqiqot mavzuyim bo’yicha ilmiy rahbarim Falsafa fanlar doktori (PhD) S.Muhiddinov bilan birgalikda samarali faoliyat olib bormoqdaman.

Ilmiy rahbar: PhD. Muhiddinov S.
Magistrant: To’lqin Bo’riyev