Sana: Fan: Kimyo Tadbir mavzusi

Kislorod
(Bush kelmay)
Ko‘p kerilma Ftor bor ekan,
Haqiqatga to‘smagin parda.
Hosil qilgan birikmalari,
Turishibdi ana, narida.
(U qo‘li bilan stolning ustida turgan bir nechta moddaga ishora qiladi.)
(Metallar orasida turgan Natriy ularning oldiga keladi.)
Natriy
(Kulib)
Ha, shunaqa bo‘ladi do‘stlar,
Og‘aynilar qilsa xiyonat
(Bu gapni eshitib Ftor tutoqib ketadi. Asabirlashib u yoqdan bu yoqqa yura boshlaydi)
Ftor
(Bir oz duduqlanib)
Bu yoqqa kel, do‘stginam Xlor
Manavini tuzga aylantir!
(Natriyga ishora qilib)
Buzg‘unchilik qilmasin yana,
Uzr aytsa solmagin quloq,
So‘ng qilaylik katta tantana!
Ftor
(Natriyga qarab)
Ha, qalaysan endi birodar,
Nafas rostlab, picha daming ol.
(Natriy bilan Xlor bir-birlariga qarab o‘qrayib qo‘yishadi)
Ftor
(Kayfiyati ko‘tarilib, zalga qarab)
Olishadi mendan polimer,
Rosa ajib xossalari bor.
Kislota-yu, ishqor va olov,
Ta’sir eta olmaydi zinhor.
«Ftorplast» markali ular,
Sanoatda Oltindan qimmat.
Qoyil qolib xislatlariga,
Ta’zim qilar hattoki Po‘lat.
«Freon»larim sovitgichlarda,
Uchib yurar buni bilasiz.
Men eng kuchli oksidlovchiman,
Siz ularni hali ko‘rasiz.
(Metallar orasida turgan Lantan Ftorning oldiga keladi)
Lantan
(Ftorga qarab)
Ming maqtangin barchasi bekor,
Sistemaning menman ko‘zgusi.
Oilamda qancha farzand bor.
(Safda turgan lantanoidlarga ishora qiladi)
Xislatlari: ko‘kka yetgusi
Men ularni parvarish qilib,
Uy to‘ridan tanho joy oldim.
Farzamdlarim uy-joylik qilib,
Oilali nomini oldim.
Aktiniydek opam bor ekan,
Metallmaslar bizga cho‘t emas.
Qirchillama yoshimii ko‘rgan,
57 desam ishonmas.
(Metallmaslar orasidan Xlor chiqib keladi)
Xlor
(Bo‘g‘iq ohangda)
Qo‘yib bersa, rosa maqtanding
Lofing hatto filni uchirar!
Bolalaring mayli-ku, oshna
Nomingnichi suvim o‘chirar
Bo‘g‘ib olsam fosgenim bilan
Tez orada tamom bo‘larsan!
(Lantanoidlarga ishora qiladi)
Jonga oro kirarmi ular,
Endi bizga ta’zim qilarsan!
(Bu gapni eshitib metallarning jahli chiqib ketadi. Ular orasida turgan Simob ranglari o‘chib Xlorning oldiga keladi)
Simob
(Xlorga qarab)
To‘xtang, do‘stim, hovliqmang buncha.
Isitmangiz borga o‘xshaydi!
(Yonidan termometr olib)
Men yaxshilab bir o‘lchab qo‘yay.
(Metallar orasida kulgu ko‘tariladi)