Сарсенбаева Айзада Айбек қызы Хожели районы, Самангул апж, Мунис кошеси 4-жай турғыны 998919392908 998913057882

Хожели районы ҳәкими Ж.Ермашовқа


Сарсенбаева Айзада Айбек қызы
Хожели районы, Самангул АПЖ, Мунис кошеси 4-жай турғыны
998919392908
998913057882
АРЗА

Мен Сарсенбаева Айзада Айбек қызы 2001-жылы 12 март Хожели районында туўылдым. Ата-анам қайтыс болды, 1 сиңлим 1иным бар. Ҳәзирде Ургеншбаев Сарсенбайдың қәўендерлигиндемиз. Мен 2020/2021-оқыў жылында Қарақалпақ мәмлекетлик университети Психология бөлимине контракт тийкарында оқыўға түскен едим. Биринши оқыў жылында контрактимди төлеп бериўде әмелий жәрдем сорап, район ҳәкимлигине мүрәжәәт еткенимде мүрәжәәтим қанаатландырылмады. Содан соң, атам менен апам пенсияларынан еплеп төледи.

Өзбекстан Республикасы Министрлер Кабинетиниң 2021-жыл 17-сентябрьдеги 585-санлы қарарына көре,екинши оқыў жылы ушын контракт төлемлерин төлеўде жәрдем сорап, оқыў орнымада, район ҳәкимлигине аўызша мүрәжәәт еткен едик. Усы күнге шекем төлеп бериўдиң илажларын қыламыз, жәрдем беремиз деп келди. Бирақ, ҳеш кандай жәрдем берилмеди. Еки ортада оқыў орным ҳәкимиятқа, ҳәкимият оқыў орныма силтеп ўақтым өтти. Бүгинги күнде контракт төлеў мүддетлери жақынласып қалғаны ушын меннен контрактти талап етип атыр. Контракт төлеўге шараятымыз жоқ.
Өзбекстан Республикасы Министрлер Кабинетиниң 2021-жыл 17-сентябрьдеги 585-санлы қарары менен тастыйықланған Режеге көре, ата-анасы яки олардың биринен айырылған мүтәж қызлар, бағыўшысы жоқ жалғыз ҳаяллар жоқары билим алыўды материаллық жақтан қоллап-қуўатлаў мақсетинде базалық төлеў-контракт муғдары Қарақалпақстан Республикасы Министрлер Кеңеси ҳәм де мәмлекетлик жоқары оқыў мекемелери тәрепинен төлеп бериў тартибин белгилейди деп көрсетилген. Усы Реже қағыйдалары 2021/2022 оқыў жылынан баслап ҳәр оқыў жылында тастыйықланған қабыллаў параметрлери шеңберинде базалық төлеў-контракт тийкарында мәмлекетлик жоқары оқыў орны бакалавриатына (күндизги, сыртқы, кешки тәлим түрине қарамастан) студентликке усынылған ҳәм де 2-4-курсларда билим алып атырған талапкерлерге қолланылады делинген.
Мен усынылыўы керек болған ҳүжжетлерди ҳәм тийисли мағлыўматларды оқыў орныма тапсырдым, жағдайымнан хабары бар.
Егер контрактти төлей алмасам, студентлер қатарынан да шығарыламан.Мен оқыўымды даўам еттириўди қәлеймен, келешекте өзимниң кәсибим болыўды, теңлеслерим менен бир қатарда болыўды қәлеймен.
Жоқарыдағыларды есапқа алып, мениң контракт төлемлерин төлеп бериўде әмелий жәрдем бериўиңизди соранаман.


Арза ийеси: Сарсенбаева Айзада Айбек қызы