Saryog‘ ishlab chiqarish texnologiyasi

Konsistensiyasi – bir xil, plastik, zich, kesilgan joyi biroz yaltiroq va mayda 
suv tomchilari bo„lishi mumkin. 
Rangi – yog„ning barcha joyida bir xil, u oq – sarg„ich rangda bo„lishi kerak. 
Saryog„larni organoleptik baholash 100 balli shkalada olib boriladi. Bunda
saryog„ hidi va ta’miga – 50 ball, konsitensisi, ishlov berilganligi va tashqi 
ko„rinishiga – 25, rangiga – 5, tuzlanganligiga – 10, urash va yozilishiga 
(markirovka) – 10 ball beriladi. Avvalo saryog„ning hidi va ta‟miga baho beriladi.
So„ngra rangi andoza bilan solishtirilib baholanadi. Konsistensiyasi tuzilishiga 
qarab baholanadi. Agar saryog„da kamchiliklar aniqlansa, beriladigan ball 
kamaytiriladi. 
Barcha berilgan ballar jamlanadi va saryog„ navi aniqlanadi. Oliy nav 88 – 
100 ball, bunda saryog„ hidi va ta‟miga berilgan baho 41 balldan kam bo„lmasligi 
kerak. I nav 80 – 87 ball, hidi va ta‟miga berilgan baho 37 balldan kam bo„lmasligi 
kerak. Saryog„ga berilgan baho I nav ko„rsatkichidan kam bo„lsa, bunday 
saryog„lar iste‟molga chiqarilmaydi, ular qayta ishlanadi. 
Saryog‘ – qaymoqqa qayta ishlov berish hamda qaymoq yog„liligini oshirish 
yo„li bilan hosil qilinadi. 
Qaymoqqa mexanik ishlov berish 2 usulda; uzluksiz va vaqti – vaqti bilan 
ishlov berish usullarida tayyorlanadi. Bizda asosan vaqti – vaqti bilan ishlov berish 
yo„li bilan saryog„ ishlab chiqariladi. Yog„ hosil qilgichlar shakli turlicha va 
ularning ishlab chiqarish quvvati ham turlichadir. Yog„ hosil bo„lishiga quyidagi 
omillar ta‟sir qiladi. 
Qaymoq yog„liligi – saryog„ ishlab chiqarishda katta ahamiyatga egadir. 
Bunda valogod saryog„i ishlab chiqarishda xom-ashyo qaymoq yog„liligi 28 – 32 
%, boshqa turdagi yog„lar ishlab chiqarishda 32 – 37 % bo„lishi kerak. Agar yog„ 
uzluksiz hosil qilgich apparatlarda hosil qilinsa qaymoq yog„i 36 – 45 % bo„lishi 
lozim. Yog„lik darajasi ko„p va kam bo„lgan taqdirda ayronda yog„ sarfi ortib 
ketadi.