Савол жавоби

савол жавоби:
Дунёда жуда ҳам антиқа қонунлар кўп. Айниқса, бу борада АҚШ етакчилик қилади. Шундай антиқа қонунлардан бирини эшитинг. Калифорния штатида уйига қопқон қўймоқчи бўлганлар, албатта бир ҳужжатга эга бўлишлари шарт экан. Диққат савол, бу қандай ҳужжат?
ЖАВОБ: Овчилик гувоҳномасиг
савол жавоби:
Хитой тилида "турмушга чиққан аёл" сўзлари 2та иероглифдан ташкил топади. Улардан биринчиси табиийки аёл, сиз иккинчисини топинг.
Жавоб: Супурги
савол:
Бир неча йиллар олдин Ганада бир қонунни синов тариқасида қўллаб кўришди. Унга кўра, ажрашиш учун суд мажлисига келган эр-хотинга ўзларининг энг бахтли кунларидан бирини эслаши ва ўз қарорларини яна қайта кўриб чиқиши учун антиқа талаб қўйилган. Диққат савол, ушбу қонун эр-хотинга қандай мажбурият юклаган?
Жавоб: Суд мажлисига келин-куёв кийимида келиш
-савол:
1852 йил Жанубий Африка қирғоқлари яқинида Британияга тегишли "Биркенхед" кемаси чўкиб кетади. Фожиани қарангки жуда оз инсон қутилиб қолиши эвазига 445 нафар қурбон берилади. Шу воқеадан сўнг "Биркенхед" қонуни амалда қўлланила бошлайди.
Савол: Қонун мазмуни нимадан иборат эди?
Жавоб: Аёллар ва болаларни биринчи қутқариш
-савол:
Дунёда жуда кўп антиқа қонунлар қабул қилинган ва уларнинг баъзилари хозир ҳам амалда. Савол, қадимий бир қонун ҳақида. Афинадаги бир қонунга кўра, ички урушлар, низолар пайтида, Афина ўзаро кураш олиб борадиган икки ёки ундан ортиқ ҳарбий қисмларга бўлиниб кетган вақтда ҳар бир фуқаро БУ ИШНИ амалга оширишга мажбур бўлган, йўқса ўша фуқаро полисдан ҳайдаб юборилган.Диққат савол: нима қилиш ҳақида гап кетмоқда?
Жавоб: Урушаётган томонларнинг биронтасига қўшилиш. Бетарафлар эса полисдан ҳайдаб юборилган