Shakllantiriladigan kompetensiyalar: – kommunikativ

Dars turi: yangi bilim beruvchi, ko‘nikma va malakalarni shakllantiruvchi.

Darsda foydalaniladigan usullar: “BBB”, “Aqliy hujum”, “Bliss ma’lumot”, “Quvnoq alifbo”, “Ziyraklik mashqi”.

Darsda foydalaniladigan jihozlar: darslik, bir lahzalik savollar, kompyuter, dioproyektor, test savollari,grammatik topshiriqlar, muammoli savollar, mavzuga

oid referat va bukletlar, audio va video lavhali slaydlar, rag‘bat kartochkalari.

• I Tashkiliy qism

• O‘quvchilar bilan salomlashiladi, davomat aniqlanadi, sinf xonasi va o‘quvchilarning darsga tayyorligi ko‘zdan kechiriladi. Bugungi darsda o‘quvchilar quyidagi kartochkalar bilan taqdirlanib borilishi aytiladi:
• rag‘bat
• yaxshi
• qoniqarli
• jarima

• II. O‘tilgan mavzuni takrorlash.
• O‘zbek alifbosi va uyga vazifaga doir savol va topshiriqlar (darslikdagi 377-mashqqa tayangan holda) beriladi.

• Topshiriq: Bu qanday yozuv turiga mansub?
• ب ق ل پ ک ش گ چ ط
• Topshiriq: Bu qanday yozuv turiga mansub?
• А Г Ш Ы Ц Ь О П Р

• Arab yozuviga asoslangan eski
• o‘zbek alifbosi.

• Rus alifbosiga asoslangan
• kirill alifbosi.

• Uyga vazifa sifatida berilgan 377-mashq tekshiriladi. So‘ng “Moziyga sayohat” o‘yini o‘tkaziladi. Unga ko‘ra darsning tarbiyaviy yo‘nalishlaridan kelib chiqib tanlangan, o‘ֹquvchilarning ona tiliga bo‘lgan hurmat tuyg‘usini shakllantirishga xizmat qiladigan hikoyat ifodali o‘qish kompetensiyasini egallagan o‘quvchi tomonidan o‘qiladi. Bu orqali o‘quvchilarning nutqiy kompetensiyasi takomillashtiriladi.

• Ona tilida fikrlashga, ravon gapirishga, nutqingizni har xil yot unsurlardan saqlashga harakat qiling. Qayerda va kim bo‘lmasin, ona tilini kamsitishlariga aslo yo‘l qo‘ymang. Til mavsumiy libos emaski, ob-havoning o‘zgarishiga qarab almashtirilsa. Onaizor,Vatan, millat har biri bittadan, Ona tili ham bitta. Agar o‘z xalqingiz orasida gungalak-soqov va yot bo‘lib qolishni istamasangiz, ona tilini puxta o‘rganing, boshingizga ko‘taring. Kishi boshqa tilda bilimli bo‘la oladi, ammo faqat ona tilidagina bekam-u ko‘st bo‘lishi mumkin.
• Ona tilini e’zozlashni, qadrlashni va asrashni ma’rifatli millatlardan o‘rganing. (G‘aybulla as-Salom)

• “Quvnoq alifbo” o‘yini

• Mevasiz shox osmonga, mevali shox yerga tirmashur

• Olimlarning
• xizmati mangu qoladi

• Jaholat o‘limdir,
• bilim esa tiriklik

• Quyosh olamga,
• bilim insonga nur
• sochadi

• Tirmashur – 19, 8, 17, 12, 1, 27, 20, 17.
• Xizmati-22, 8, 24, 12, 1, 19, 8.
• Jaholat-9, 1,7, 14, 11, 1, 19.
• Insonga-8, 13,18, 14, 13, 6, 1.

• III. Yangi mavzu bayoni.

• Og‘zaki nutqda bir necha xil talaffuz qilinuvchi tovush, qo‘shimcha va so‘zlardan adabiy tilga qabul qilingan bittasi to‘g‘ri talaffuz me’yori sanaladi.
• Yozma nutqda bir necha xil yoziluvchi tovush, qo‘shimcha va so‘zlardan adabiy tilga qabul qilingan bittasi to‘g‘ri imlo me’yori sanaladi.
• To‘g‘ri talaffuz me’yorlarini o‘rganuvchi tilshunoslik bo‘limi orfoepiya deyiladi.
• Tilshunoslikning to‘g‘ri yozish me’yorlarini o‘rganuvchi bo‘limi orfografiya deyiladi.

• IV. O‘tilgan mavzuni mustahkamlash

• “BBB” texnologiyasi.

Ma’lumotlar	Bilaman	Bilishni xohlayman	Bilib oldim
1. Tilshunoslikning so‘zlarni to‘g‘ri yozishni o‘rganuvchi bo‘limi orfografiya deyiladi. 2. Imlo qoidalari amaldagi yozuvga mos ravishda yaratiladi. 3. Kirill alifbosiga asoslangan o‘zbek yozuvi uchun bugungi kunga qadar 1956-yilda yaratilgan imlo qoidalari asos vazifasini o‘tab kelmoqda. 4. Lotin yozuviga asoslangan yangi o‘zbek alifbosiga o‘tilishi munosabati bilan imlo qoidalariga ham sezilarli darajada o‘zgartirishlar kiritildi. 5. Shu munosabat bilan 1995-yil A.Hojiyev tahriri ostida yangi «O‘zbek tilining imlo lug‘ati» nashr etildi. 6. Imlo lug‘atlarida so‘zlar orfografiya qoidalari asosida alifbo tartibi bilan beriladi. 7. Тildagi har bir so‘z va qo‘shimchalar to‘g‘ri talaffuz qoidalariga binoan talaffuz etiladi. 8. Shevalarda talaffuz me’yorlarining buzilish holati kuzatiladi.

• Quyidagi so‘zlarning aytilishi va yozilishiga diqqat qiling.
• Ular o‘rtasida qanday farqlar borligini ayting.

• .

• Shamba – shanba, maxsat – maqsad, taxsim – taqsim, Samarqan –Samarqand, kitop – kitob, tambur – tanbur, o‘m besh – o‘n besh.

• 378-mashq.

• “Ziyraklik mashqi” o‘tkaziladi. Bunda darsdagi o‘quvchilarning savodxonligi saylanma diktant tariqasida tekshirib olinadi. Har bir darsda `o‘zlashtiriladigan nazariy tushunchalar amaliy foydalangandagina sifatli bilim uchun asos bo‘ladi: o‘qituvchi aytilishi va yozilishida farq qiluvchi so‘zlarni aytadi, o‘quvchilar esa bu so‘zlarning aytilishi va yozilishidagi farqlarni aniqlaydilar: maktab, kitob, do‘st, ketdi, Toshkent, Samarqand, urush, kilogramm, metall, fikrlash, sayil...

• V. Baholash va rag‘batlantirish. Yig‘ilgan kartochkalar hisoblanib, darsda faol ishtirok etgan o‘quvchilar rag‘batlantiriladi, barcha o‘quvchilar ishtirokiga ko‘ra baholanadi.

VI. Uyga vazifa.

• Our next game is called find toys.
• Activity 2 “Find toys”
• For this activity you should find toys according to their colours.

• 380-mashq.
• O‘z shevangizdan misollar yozib, ularning aytilishi va yozilishidagi farqlarni tushuntiring.