Sharq filologiyasi fakulteti

Mavzuning dolzarbligi : Biz milliy ma'naviyatni har tomonlama yuksaltirish masalasini o'z oldimizga asosiy vazifa qilib qo'yarkanmiz , bugungi kunda ma'naviyatimizni shakllantiradigan va unga ta'sir ko'rsatadigan barcha omil va me'zonlarni tahlil qilib , ularning bu borada qanday o'rin tutishini yaxshi anglab olishimiz maqsadga muvofiq bo’ladi.
Ma'naviyatni shakllantirishga bevosita ta'sir qiladigan muhim hayotiy omillardan biri - bu ta'lim tarbiya tizimidir . Ma'lumki , ota - bobolarimiz qadimdan bebaho boylik bo'lmish ilm - u ma'rifat , ta'lim tarbiyani inson kamoloti va millat ravnaqining eng asosiy sharti va garovi deb bilganlar .
Albatta , ta'lim tarbiya ong mahsuli , lekin ayni vaqtda ong darajasi va uning rivojini ham belgilaydigan , ya'ni , xalq ma'naviyatini shakllantiradigan va boyitadigan eng muhim omildir . Binobarin , ta'lim - tarbiya tizimini va shu asosda ongni o'zgartirmasdan turib , ma'naviyatni rivojlantirib bo'lmaydi .
Hozirgi kunda yapon tilshunoslarining oldida turgan vazifalaridan biri - yapon tili o'rganuvchilariga hisob so'zlarning ishlatilishini osonroq qilib o'rgatish , yapon va o'zbek tillarida hisob so'zlarni qiyosiy tahlil qilish, bevosita yapon tilida so'zlashganda ularni qanday qilib to'g'ri ishlatish lozimligini o'rganishdir .
Mavzuning yangiligi: O’zbek tilida bilvosita yapon tilidagi hisob so’zlarning keng miqyosda yoritilmaganligi, kerakli ma’lumotlar ham kam bo’lganligi mazkur mavzuning yangiligi deb bilamiz.
Mavzuning maqsad va vazifalari : O'zbek tili va yapon tillaridagi son so'z turkumi haqida umumiy ma'lumot berish , ularni izchil o'rganib , bitiruv malakaviy ishi orqali yapon tili o'rganuvchilar diqqatiga o'zbek va yapon tillardagi son so'z turkumini qiyoslagan holda , kelib chiqadigan tushunmovchiliklarni osonroq tushuntirish demakdir . Yapon tilidagi son tartibsiz jamlangan so'z turkumi bo'lib , o'zbek tilidagi qonun qoidalar orqali guruhlarga bo'lib , o'rganuvchilar uchun qulay bo'lishini ta'minlash demakdir . Va shu mavzu yuzasidan kelib chiqadigan muammolarni bartaraf etish ,miqdor sonlarga oid adabiyotlardan keng ko'lamda foydalangan holda har bir sonning ma'noviy guruhlari ustida chuqur mulohaza qilishga bag'ishlanadi .
Maqsaddan kelib chiqqan holda bitiruv malakaviy ishning vazifasi quyidagilardan iborat :
- Yapon tili va o'zbek tilida sonning qo'llanilishi haqida aniq tushuncha berish .
- Yapon tili va o'zbek tillarida miqdor sonlarning o'xshash va noo'xshash jihatlarini tushuntirib berish .
- Miqdor sonning o'ziga xos xususiyatlari haqida chuqur mulohaza yurutish.
- O'zbek tilining o'ziga xos imkoniyatlarini tahlil qilish .
- Miqdor sonlarning qo'llanishini misollar ko'rinishida tahlil qilish .
Ushbu bitiruv malakaviy ishining mavzusi kelajakda yapon tilshunosligi va yapon tili o'rganuvchilar uchun kerakli va shu asosda ushbu tadqiqot mavzusi hozirgi kundagi eng dolzarb va bebaho bilimlarni beradi . Ushbu tadqiqotning maqsadi qo'yilgan masalalarni yoritish va bilimlar doirasini kengaytirishdir .