Shaxta: foydali qazilmalarni kovlab olish uchun kavlashlar yer ostida bajarilgan Konchilik ishi

Rudatushurgich - yer yuzi bilan bevosita tutashmaydigan yoki tutashadigan, kichik ko’ndalang kesim yuzasiga ega bo’lgan va yuqori gorizontdan pastki gorizontga qazib olingan rudani o’z og’irlik kuchi ta’sirida tushirishga xizmat qiladigan vertical kon lahimi.

Tonnel – har ikki tomoni yer yuzi bilan bevosita tutashadigan yerosti gorizontal kon lahimi bo’lib, asosan, transport ishlarini bajarishga xizmat qiladi.

Kvershlag – kon yotqiziqlari cho’ziqligiga perpendikulyar o’tkaziladigan, yer yuzi bilan bevosita tutashmaydigan gorizontal kon lahimi.

Prosek - yer yuzi bilan bevosita tutashmaydigan shtrekka parallel o’tiladigan gorizontal kon lahimi.

Ort – qalin ko’mir qatlamlari yoki ruda yotqiziqlarining gorizontal qalinligi bo’yicha o’tiladigan gorizontal kon lahimi.

Tutashtirma – bir-biriga yaqin joylashgan qiya lahmlarni o’zaro tutashtiruvchi gorizontal kon lahimi.

Shtolnya - yer yuzi bilan bevosita tutashadigan gorizontal kon lahimi.