She’r va hikoyalar. O’zbek elim

Spitamenning zarbasi.

Otlarning pishqirib kishnashi, jangchilarni hayqirig‘i, shiddatli jang bo’lmoqda. Iskandar Zulqarnayn saf boshida Butsefal otini yildirib, qo‘qqisdan qilingan hujumni qaytarmoqda. Bir lahzaga ko‘zlar to‘qnashdi. Olovli nigohlar. Shamshirlar to‘qnashuvi… Kuchli zarbadan so‘ng Aleksandr otidan quladi. Makedon qo‘shini oz sonli dushmandan ko‘p talofat ko‘rdi. Zulqarnayn g‘azabga mindi. Hech bir jangda dushman zarbidan yerga qulamagandi. Yakkama-yakka janglarda ham yengilmas edi u. Sarkardalariga buyruq berdi.

- Qayerdan bo‘lsa ham, Spitamenni tiriklayin tutib keltiring! O‘sha bir lahzalik jang va kuchli zarba Iskandarning hayolida bir umrga muhrlandi.

Spitamenning nomi, jasurligi va mardligi tarixda qoldi. Illo, rassomning qo‘l harakati farzandiga nasliy meros bo‘lganidek, Spitamenning ham zarbasi avlodlariga meros bo‘lib qoldi. Jahon maydonlarida raqiblarini yer tishlatib chempion bo‘layotgan ko‘plab o‘zbek o‘g‘lonlarini ko‘rishimiz mumkin. Ular qatoriga Pastdarg‘om tumani 43-maktab jismoniy tarbiya o’qituvchisi, boks bo’yicha Respublika chempioni Jabborov Mirjalol va uning chempion bo’lgan shogirdlari Rashidov Temur, Abdumalikov Shaxro’z, Shohimardanov Behruz, Musurmonov Muhriddin, Toshtemirov Jahongir kabi sportchi yigitlarimizni keltirishimiz mumkin.