She’r va hikoyalar. O’zbek elim

Iskandar Zulqarnay. Mard bo’lsang chiq maydonga yakkama-yakka jang qilamiz! Oralaringda birorta marding bormi? Marding bo’lsa, chiq maydonga!

Otidan tushib, qo’zg’olonchi xalqqa qarab qilichini yalang’ochlaydi.

Qo’zg’olonchi xalq orasidan oppoq soqolli, qo’liga hassa ko’targan bir chol chiqib Iskandar Zulqarnaynga yaqinlashadi.

Chol. Men sen bilan yakkama-yakka jang qilaman! Sen mening o’g’illarimdan judo qilding. Men sendan o’g’illarimni qasosini olaman!

Sarkardaning yonidagi otliq lashkarlari iste’hzoli kulishadi.

Sarkarda jim…

Xalq orasidan yana bir qo’llarida xaskash ko’targan onaxon chiqadi.

Onaxon. Erimni, bolalarimni o’ldirding. Endi nabiralarimni o’ldirmasliging uchun men sen bilan yakkama-yakka jang qilaman!

Sarkarda jim…

Qo’liga o’q-yoy ko’targan so’g’diy ayol jang maydoniga chiqadi.

So’g’diy ayol. Men o’z or nomusimni himoya qilish uchun sen bilan jang qilaman!

Sarkarda jim…

Qo’llarida cho’pon tayoq ko’targan yosh o’g’lon jang maydoniga chiqdi.

Yosh o’g’lon. Men otamni xunini olaman…!

Iskandar Zulqarnaynning lashkarlarini toqati tugab qichqirishadi.

• 
  Buyuring , qo’zg’olonchilarni barini qilichdan o’tkazaylik!
  

Iskandar Zulqarnayn otiga minib lashkarlariga buyruq beradi.