Сидиков абдулазиз абдуманоп ўҒЛИ

Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти илк бора натрий хлорати, карбамид, сульфат триэтаноламмоний, нитрат моно- ва триэтаноламмонийли тузлари иштирокидаги 9 та иккилик ва учлик мураккаб сув системаларида эритмаларнинг реологик хоссалари ва эрувчанлиги тўғрисида олинган маълумотлар билан тавсифланади. Компонентларнинг ўзаро таъсири ўрганилди ва 3та янги бирикма ҳосил бўлиши аниқланди. Олинган натижалар тузлар тизими график таҳлили йўналишида янги илмий маълумотлар ҳисобланиб, соҳа методологик-услубий йондашувларни такомиллаштиришда фойдаланилиши билан изохланади.
Тадқиқотнинг амалий аҳамияти натрий хлорат монокарбамиди ва нитрат моноэтаноламмоний ва сульфат триэтаноламмонийлар асосида янги таркибли дефолиантлар тавсия этилди, уларнинг олиш технологияси ва мақбул технологик меъёрлари ишлаб чиқилди.
Тадқиқот натижаларини амалиётга тадбиқи. Натрий хлорат монокарбамиди, нитрат моноэтаноламмоний ва сульфат триэтаноламмонийлардан физиологик фаол хоссага эга дефолиантлар олиш технологиясини ишлаб чиқиш бўйича олинган илмий натижалар асосида қуйидагилар амалга оширилди:
Натрий хлорат монокарбамиди ва сульфат триэтаноламмоний асосида олинган дефолиантни қўллаш Тошкент вилоятининг фермер хўжаликлари пахта далаларида амалга оширилди (ЎзР ҚХВнинг 2021 йил 28 сентабрдаги 02/025-3926-сонли маълумотномаси). Пахтанинг ўрта толали навларида дефолиантни қўллаш натижасида баргларнинг тўкилиши 89.4% ва кўсакларни очилиши 90.1 % бўлган, самарали дефолиация қилиш имконияти аниқланган;
Натрий хлорат монокарбамиди ва нитрат моноэтаноламмонийли дефолиантни қўллаш Тошкент вилоятининг фермер хўжаликлари пахта далаларида амалга оширилди (ЎзР ҚХВнинг 2021 йил 28 сентабрдаги 02/025-3926-сонли маълумотномаси). Пахтанинг ўрта толали навларида дефолиантни қўллаш натижасида баргларнинг тўкилиши 88.6% ва кўсакларни очилиши 91.4 % бўлган, самарали дефолиация қилиш имконияти аниқланган.
Тадқиқот натижаларининг апробация. Мазкур тадқиқот натижалари жумладан, 5 та халқаро ва 8 та республика илмий-амалий конференцияларида муҳокама қилинган.