Sifatli ilmiy maqola yozish qiyinmi? Yo’Q. Qiyin emas. Harakat qilsangiz bo’ldi

Xulosa bo’limida nimalar aks ettirilishi kerak? Maqsadi nima?

Xulosalar qismida natijalar va muhokamalarning qisqacha bayoni keltiriladi, biroq bu ma’lumot “qisqacha bayon”dan ko'proq bo'lishi kerak. Unda, Kirish qismida keltirilgan har bir tadqiqot masalasi qanday hal qilinganligiga e’tiborni tortgan holda, olingan natijalarga urg’u beriladi, tadqiqot ishining ahamiyati tushintiriladi. Bu seksiyaning maqsadi dalillar bilan tasdiqlanishi mumkin bo'lgan umumiy da'voni taqdim etishdir. Ushbu bo'lim "men" yoki "biz" lardan holi bo’lib, o'quvchiga yo'naltirilgan bo'lishi kerak.

Xulosaning ikkinchi maqsadi esa tadqiqot ishining kelajakdagi istiqbolini ko’rsatib berishdir. Bu o’quvchilar uchun tavsiyalar yoki kelgusidagi ish uchun yo'l xaritasi ko’rinishida bo'lishi mumkin. Yuqori darajada bo’lmagan spekulyatsiya (qat’iy dalillarga suyanmagan nazariya yoki faraz) bu bo’limga mos deb hisoblanishi mumkin, faqat aniq-tiniq spekulyatsiya ko’rinishini ta’minlash talab etiladi.

Xulosani yozishda yana nimalarga e’tibor berish kerak?

Xulosalar bo'limi bir marta ko’z yugirtirishdayoq tadqiqot ishining mazmunini ilg’ab olishga imkon berishi kerak. Ushbu qismni yozayotganda, Kirishni o'qigan, rasmlar orasidan tadqiqot ishining “qaymog’ini” qidiradigan, so'ng Xulosa qismini o’qishga o’tib ketadigan o'quvchini ko’z oldingizga keltiring. Muallif yetkazmoqchi bo'lgan asosiy xabar (lar) ni qisqa qilib Xulosada taqdim etishi kerak. Bu bo’limda natijalar va muhokamalarda keltirilgan dalillar takrorlanmasligi kerak, faqat yakuniy va eng umumiy xulosalargina keltiriladi. Natijalar va muhokamalar bo'limi odatda yetarli darajada uzoq tekstni tashkil etsada, Xulosa bo'limi odatda qisqa bo’ladi.

Xulosa bo’limida tez-tez ko’zga tashlanadigan qoqilishlar quyidagilar:

1. Abstraktni takrorlash,

2. Kirish ma'lumotlarini takrorlash,

3. Natijalar va Muhokamada topilmagan yangi dalillar yoki argumentlarni kiritish,