Sinf: VIII sana

Sinf: VIII
Sana: 26.02.22
Fan: Algebra.
Mavzu: Sonning taqribiy qiymati. Sonlarni yaxlitlash. Yaqinlashish xatosi
Darsning maqsadi:
a) ta`limiy maqsad:
O`quvchilarda sonning taqribiy qiymati ularni yaxlitlash, yaqinlashish xatosi haqidagi bilimlarni shakllantirish, ularga sonning taqribiy qiymati ularni yaxlitlash, yaqinlashish xatosiga doir masalalar yechishni o`rgatish hamda matematik bilimlarni berishda davom etish.
b) tarbiyaviy maqsad:
o`quvchilarni o`z maqsadiga erishish ruhida tarbiyalash, bir-birlariga o`zaro hurmat, jamoa bo`lib ishlash, o`zaro yordam va berilgan vazifani bajarishda ma`suliyat sezish ko`nikmalarini tarkib toptirish.
c) rivojlantiruvchi maqsad:
o`quvchilarni mustaqil ishlash, ijodiy izlanish orqali bilim olishga ,xotirani mustahkamlashga, tez fikrlash , fikrini aniq ifodalashga o`rgatish,nutq madaniyatini o`stirish.
Dars turi
Yangi mavzuni o`rganuvchi dars.
Dars o`tish metodi:
“Aqliy hujum”
Darsning jixozi:
Darslik, tarqatma materiallar, rag`bat uchun gul maketlari
Darsning texnik jixozi: Kadoskop.
Darsning rejasi;
1. Tashkiliy qism. (2 daqiqa)
2. O`tilgan mavzuni takrorlash. ( xotirani sinash 12 daqiqa)
3. Yangi mavzuni bayoni. (10 daqiqa)
4. Mavzuni mustahkamlash (15 daqiqa)
5. O`quvchilarni baholash . (4 daqiqa)
6. Uyga vazifa. (2 daqiqa)
Darsning borishi:
1.Tashkiliy qism.
Salomlashish.
Davomatni aniqlash.
Rag`bat uchun 3 xil gul tasvirlaridan foydalaniladi.
Besh yulduz ichida atir gul - “5”ball.
To`rtburchak ichida lola gul - “4”ball
Uchburchak ichida chinni gul - “3”ball


2. O`tgan mavzuni takrorlash va uyga vazifani so`rash.
O`tilgan mavzular bo`yicha savollar berib, o`quvchilarni baholayman.
1 Viyet teoremasini ayting.
2. Ikkinchi darajali eng soda tenglamalarni qanday yechamiz?
3. Bir noma’lumli tengsizliklar qanday chechiladi?
4. Sonli oraliqlar deb nimaga aytiladi?
5. Kvadrat tenglamalar deb nimaga aytiladi?
6. Chala kvadrat tenglama deb nimaga aytiladi?
7. Keltirilgan kvadrat tenglama deb nimaga aytiladi?
3.Yangi mavzuni bayon qilish.
Amaliy masalalarni yechishda, ko`pincha, turli miqdorlarning taqribiy qiymatlari bilan ish ko`rishga to`g`ri keladi. Taqribiy qiymatlar, odatda, ko`p miqdordagi narsalarni, masalan, o`rmondagi daraxtlar sonini sanashda; asboblar yordamida turli kattaliklarni, masalan, uzunlik, massa, temperaturani o`lchashda; sonlarni yaxlitlashda hosil qilinadi.
1-masala. O`quvchilardan biri maktabda nechta o`quvchi o`qishi haqidagi savolga „1000 ta" deb javob berdi, ikkinchi o`quvchi esa aynan shu savolga „950 ta" deb javob berdi. Agar maktabda 986 nafar o`quvchi o`qisa, kimning javobi aniqroq?
Birinchi o`quvchi 14 taga, ikkinchisi esa 36 taga adashdi. Demak, birinchi o`quvchining javobi aniqroq Shuni ta'kidlaymizki, birinchi holda o`quvchilar sonining aniq va taqribiy qiymatlari orasidagi farq (ayirma) manfiy: 986-1000=-14, ikkinchi holda esa musbat: 986-950=36.
Miqdorlarning aniq qiymati bilan uning taqribiy qiymati orasidagi ayirmaning moduli yaqinlashishning absolute xatosi deyiladi.
Shunday qilib, agar a aniq qiymati x ga teng bo`lgan miqdorning taqribiy qiymati bo`lsa, u holda absolut xatolik |x-a| ga teng bo`ladi.
4. Yangi mavzuni mustahkamlash.
Darsni mustahkamlash uchun mavzu bo`yicha misollar yechish.
Yangi mavzuga doir o`qituvchi tomonidan tayyorlangan masalalarni har qatordan bittadan o`quvchilar chiqib doskada yechadilar. Qolgan o`quvchilar misollarni daftarlarida yechadilar, doskadan oldin bajargan o`quvchilarning misollari o`qituvchi tomonidan tekshirib, baholanadi.
5. Darsni yakunlash va darsda yaxshi qatnashgan o`quvchilarni rag`batlantirish.
O`quvchilarning olgan baholarini jurnalga va kundalikka qo`yish.


6. Uyga vazifa: 406 -407 - misollar.