“Soliq hamkor” axborot tizimida soliq huquqbuzarliklari to‘g‘risida xabar berish hamda mobil ilovada xarid chekini ro‘yxatdan o‘tkazgan jismoniy shaxslarga xarid summasining 1 foiz miqdoridagi mablag‘ni qaytarish bo‘yicha ommaviy oferta

V. RAG‘BATLANTIRISH MIQDORI VA HISOB-KITOB QILISH TARTIBI
5.1. DSQ soliq huquqbuzarligi bo‘yicha xabar beruvchiga o‘tkazilgan nazorat tadbiri 
natijalariga ko‘ra huquqbuzarlik holati o‘z tasdig‘ini topgan taqdirda, undirilgan moliyaviy 
jarimaning 20 foizi miqdorida hamda mobil ilovada xarid chekini ro‘yxatdan o‘tkazgan jismoniy 
shaxsga xarid summasining 1 foizi miqdorida rag‘batlantirish summasini to‘laydi. 
Agar xo‘jalik yurituvchi subyekt tomonidan chop etilgan chekdagi summa maʼlum 
sabablarga ko‘ra tahrirlanib o‘zgartirilsa, rag‘batlantirish summasi tahrirlangan summaga nisbatan 
olinadi. 
5.2. Jismoniy shaxsning rag‘batlantirish summasi O‘zbekiston Respublikasining milliy 
valyutasi “so‘m”da (QQSsiz) jismoniy shaxsning bank plastik kartasi hisob raqamiga pul 
mablag‘larini ko‘chirish yo‘li bilan amalga oshiriladi. 
5.3. Berilayotgan rag‘batlantirish summasidan tijorat banki tomonidan to‘lab berilayotgan 
summasidan bank xizmati ushlab qolinadi. 
VI. TARAFLARNING JAVOBGARLIGI
6.1. Taraflar ushbu oferta bo‘yicha majburiyatlarini bajarmagan yoki lozim darajada 
bajarmaganliklari uchun O‘zbekiston Respublikasining amaldagi qonun hujjatlari va O‘zbekiston 
Respublikasining «Xo‘jalik yurituvchi subyektlar faoliyatining shartnomaviy-huquqiy bazasi 
to‘g‘risida»gi Qonuni asosida javobgar bo‘ladilar. 
6.2. Jarima to‘lash va majburiyatlarni bajarmaganlik uchun boshqa javobgarlik choralarini 
qo‘llanilishi, taraflarni ushbu oferta bo‘yicha majburiyatlarni bajarish va boshqa tarafni buzilgan 
huquqlarini tiklashdan ozod etmaydi. 
6.3. Jismoniy shaxs quyidagi hollarda ushbu oferta bo‘yicha majburiyatlarini bajarmagan 
yoki lozim darajada bajarmaganliklari uchun javobgar bo‘lmaydi: 
- internet-provayder yoki aloqa operatori nazoratidagi aloqa xizmatining yomon sifati 
yuzasidan; 
- axborot tizimidagi texnik buzilishlar. Bunday hollarda jismoniy shaxs bu haqida elektron 
aloqa vositasida (elektron pochta xabari, SMS yoki boshqalar) zudlik bilan DSQ ni xabardor qilishi 
shart.