Таълимда ахборот технологиялари фанининг предмети, мақсади ва вазифалари таълимда ахборот технологиялари(АТ) фанининг предмети, мақсади ва вазифалари

Фанни ўқитишдан мақсад - замонавий ахборот технологиялари асослари, замонавий шахсий компъютерлар ва уларнинг атроф қурилмалари, системали дастурий таъминоти, амалий дастурий воситалар, замонавий коммуникацион технологиялар, Веб-дизайн асослари, дастурлаш, Мicrosoft Officeнинг дастурий воситалари ҳақидаги билимлар билан қуроллантиришдан иборат.
Фанининг вазифаси:
- таълимда АТлари ҳақида бир бутун тасаввур ҳосил қилиш;
- таълимда АТларининг ҳар бир инсон ҳаётидаги ва жамиятнинг ривожидаги ролини очиб бериш;
- таълимда АТнинг техник ва дастурий воситаларининг моҳияти ва имкониятларининг очиб бериш;
- ахборот тизимлари ва технологияларини нима мақсадида ва қандай кодллаш ҳакида тушунча ҳосил қилишдан иборат.
Фан бўйича талабаларнинг билим, кўникма ва малакаларига қуйдаги талаблар қўйилади:
- замонавий ахборот технологиялари, замонавий дастурлаш технологиялари компьютер тармоқлари, ахборот тизимлари ва уларнинг турли соҳаларда қўлланилиши, ахборот хавфсизлиги ва ахборотларни ҳимоялаш, электрон тижоратга доир билимга;
- ахборотнинг синтактик, семантик ва прагматик ўлчовлари, ахборот жараёнларининг аппарат ва дастурий таъминоти, операцион тизимлар, алгоритмлаш ва дастурлаш, визуал дастурлаш технологиялари, амалий дастурлар билан ишлаш технологиялари, компьютер тармоқлари ва уларнинг турлари, тармоқ ресруслари, ахборот тизимлари, уларнинг моҳияти, қўлланилиши ва вазифалари, электрон хужжат айланиши тизими, автоматлаштирилган ахборот тизимлари, замонавий мультимедиа тизимлари, ахборот хавфсизлигининг ташкилий ва ҳуқуқий асослари, ахборотларни ҳимоялашнинг техник ва дастурий воситаларидан, электрон тижоратлардан фойдаланиш кўникмасига;
- ахборотларга ишлов бериш қурилмалари, ахборот жараёнларининг дастурий таъминоти, операцион тизимлар, хизмат кўрсатувчи дастурлар ва утилиталар билан ишлаш, дастурлаш тиллари ва визуал дастурлаш орқали дастур тузиш, амалий дастурлар билан ишлаш (матнли, электрон жадвал, тақдимотлар, график, маълумотлар базалари ва уларни бошқариш тизимлари), компютер тармоқларидан фойдаланиш, турли веб саҳифалар яратиш дастурлари билан ишлаш, электрон хужжат айланиши тизими, замонавий мультимедиа тизимлари имкониятларидан фойдаланиш малакасига эга бўлиши керак.