Ta`limga oid yangiliklar muhokamasi yuzasidan davra suhbati

MA`LUMOTNOMA


Xorazm viloyati Yangiariq tumanidagi 31-son ayrim fanlar chuqur o‘rganiladigan ixtisoslashtirilgan maktabning jismoniy tarbiya fani metodbirlashmasi rahbari Sapayev Umidbek tomonidan metodbirlashma a`zolari ishtirokida ta`limga oid yangiliklar muhokamasi yuzasidan davra suhbati bo`lib o`tdi.

Shiddat bilan o‘zgarayotgan zamonaviy dunyoda, rivojlangan davlat maqomiga yetishish uchun aholining bilim saviyasi va dunyoqarashi muhim ahamiyat kasb etadi. Bu esa mamlakatda ta'lim tizimining to‘g‘ri kompetensiyalari, hayotiy muhim kasb va yetuk bilimlarni shaxsiy, axloqiy hamda fuqarolik fazilatlari uyg‘unligida yoshlarga o‘rgatishni taqozo qiladi.Buning uchun esa o`qituvchining o`zi zamonaviy bilimga ega, yangiliklardan xabardor, masalani har tomonlama keng mushohada qiladigan bo`lishi lozim.

Ushbu davra suhbatida metodbirlashma rahbari 2021-yilda ta`lim tizimida kutilayotgan yangiliklar haqida aytib o`tdi.
Bolaning tahliliy va kreativ fikrlash qobiliyatini o‘stirishga mo‘ljallangan yangi darsliklar tayyorlash boshlanadi.

• 
  Boshlang‘ich sinflarda DTS o‘rniga bolaga ortiqcha yuklama bermaydigan «Milliy o‘quv dasturi» joriy etiladi.
  
• 
  Boshqa tumandagi olis maktabga borib, dars beradigan o‘qituvchilar oyligiga 50 foiz, boshqa viloyatga borib ishlasa 100 foiz ustama to‘lanadi.
  
• 
  Hududlarda xususiy maktablar faoliyatini rag‘batlantirish uchun budjetdan subsidiyalar ajratiladi.
  
• 
  10 ta Prezident maktablari; kimyo-biologiya, matematika va ATga ixtisoslashgan 197ta maktab ochiladi.
  

Shu jumladan, Oliy ta'lim tizimida ham quyidagicha o`zgarishlar bo`lishi kutilmoqda:

• 
  OTMlarda davlat grantlari soni kamida 25 foizga oshiriladi.
  
• 
  Xotin-qizlar uchun grantlar soni 2 barobarga oshirilib, 2 mingtaga yetkaziladi. A'lo o‘qiyotgan ehtiyojmand qizlar uchun stipendiyalar ta'sis etiladi.
  
• 
  Davlat kadrlar tayyorlash bo‘yicha xususiy OTMlarga ham buyurtma bera boshlaydi.
  
• 
  30 ta OTMga o‘quv dasturlarini ishlab chiqish, qabul kvotasi va moliyaviy masalalarni mustaqil hal qilish huquqi beriladi.
  

Metodbirlashma a`zolari ham ushbu ma`lumotlarga qo`shimcha ravishda hozirgi kunda ta`lim tizimida bo`layotgan o`zgarishlar va kutilayotgan yangiliklar haqida o`z fikr-mulohazalarini bayon qildilar va o`zaro fikr almashdilar.

Bunday davra suhbatlari tashkil qilinishi o`qituvchilarning tashqi dunyodan uzilib qolmasliklari, yangiliklardan boxabar bo`lishlari uchun muhim ahamiyat kasb etadi.


O`quv-tarbiya ishlari bo`yicha direktor o`rinbosari: Xo`janiyozova Y.


Jismoniy tarbiya fani uslubiy birlashma rahbari: Sapayev.U