Tarix Mavzu: Shavkat Mirziyoyev davrida O’zbekiston tashqi siyosatida yangi yo’l

TARIX (SIRTQI) FAKULTETI
1-KURS 118-GURUH TALABASI

Po’latov Davron Toirjon o’g’li
1-SON MUSTAQIL ISHI (GLOSSARIY)


Fan nomi: Tarix
Mavzu: Shavkat Mirziyoyev davrida O’zbekiston tashqi siyosatida yangi yo’l.

Toshkent 2022
O‘ZBEKISTON RESPUBLIKASI TASHQI SIYOSATI
O‘zbekiston Prezidentining xalqaro uchrashuvlari
Davlat rahbarlari darajasida 21 ta tashrif, shu jumladan Shavkat Mirziyoyevning xorijiy mamlakatlarga 13 ta tashrifi amalga oshirildi. O‘zbekistonga 8 ta davlat rahbarlari (Afg‘oniston, Belarus, Misr, Qozog‘iston, Rossiya, Tojikiston, Turkiya va Turkmaniston) tashrif buyurishdi. 30 dan ortiq davlat va xalqaro tashkilotlar rahbarlari bilan oliy darajadagi muzokaralar o‘tkazilib, 180 ta ikki tomonlama shartnoma va bitimlar imzolandi.
Davlat rahbarining xalqaro tashabbuslarini amalga oshirish
O‘zbekiston rahbari tomonidan BMT, MDH, ShHT, IHT va boshqa nufuzli forumlar doirasida ilgari surilgan 10 ta muhim xalqaro tashabbus to‘liq amalga oshirildi.
BMT Bosh Assambleyasining «Markaziy Osiyo mintaqasida tinchlik, barqarorlik va izchil taraqqiyotni ta’minlash bo‘yicha mintaqaviy va xalqaro hamkorlikni mustahkamlash» (22 iyun) va «Ma’rifat va diniy bag‘rikenglik» (12 dekabr) nomli rezolyusiyalari qabul qilindi. Markaziy Osiyo davlat rahbarlarining birinchi Maslahatlashuv uchrashuvi bo‘lib o‘tdi (Ostona shahri, 15 mart, keyingisi 2019 yil aprelda Toshkent shahrida o‘tkaziladi). Afg‘oniston bo‘yicha Toshkent konferensiyasining o‘tkazilishi va O‘zbekiston davlat rahbari ilgari surgan Afg‘oniston mojarosini hal etish va uni mintaqaviy iqtisodiy loyihalarga jalb qilish bo‘yicha takliflari keng miqyosda xalqaro e’tirofga sazovor bo‘ldi.
Yaqin qo‘shnilarga nisbatan ochiq va konstruktiv siyosat olib borish
Davlatimiz rahbari boshchiligida mamlakat tashqi siyosatining ustuvor yo‘nalishi – yaqin qo‘shnilarga nisbatan ochiq va konstruktiv siyosat olib borish, Markaziy Osiyodagi muammolarni tenglik, o‘zaro manfaatlarni hurmat qilish va oqilona kelishuv asosida hal etishga qaratilgan tizimli ishlar amalga oshirildi.
Mintaqaning barcha davlatlari bilan oliy darajadagi tashriflar almashuvi bo‘lib o‘tdi.
O‘zbekiston Prezidentining Tojikistonga (9-10-mart) va Tojikiston Prezidentining O‘zbekistonga (17-18-avgust) davlat tashriflari yakuniga ko‘ra strategik ahamiyatga ega hujjatlar imzolandi: Do‘stlik va ahil qo‘shnichilikni mustahkamlash to‘g‘risidagi qo‘shma bayonot va O‘zbekiston – Tojikiston davlat chegarasining alohida uchastkalari to‘g‘risidagi shartnoma, shuningdek boshqa ikki tomonlama kelishuvlar to‘plami.
Turkmaniston Prezidentining O‘zbekistonga tashrifi (23-24-aprel) chog‘ida 2017-yilda imzolangan Ikki davlat o‘rtasidagi strategik sherikchilik to‘g‘risidagi shartnomani amalga oshirishga qaratilgan qator muhim hujjatlar qabul qilindi hamda Yevropa, Yaqin Sharq va Osiyo davlatlariga yuk tashish hajmini ko‘paytirish uchun ikki mamlakat tranzit salohiyatidan to‘liq foydalanishga kelishib olindi.
Umuman olganda, bugun kunda Markaziy Osiyoda suv resurslaridan oqilona foydalanish, chegaralarni delimitatsiya va demarkatsiya qilish, chegara punktlaridan o‘tish va chegara oldi hududlarda savdoni rivojlantirish kabi juda murakkab masalalarga yechim topish uchun mutlaqo yangi, konstruktiv siyosiy muhit va qulay sharoitlar yaratildi.
O‘zbekistonning qo‘shni mamlakatlar bilan Davlat chegarasida 64 ta o‘tish punktlari faoliyat ko‘rsatmoqda.
Chegara bilan bog‘liq muammolarning hal qilinishi natijasida O‘zbekiston va Markaziy Osiyo davlatlari o‘rtasidagi savdo-iqtisodiy aloqalari sezilarli darajada faollashdi. Ular bilan savdo aylanmasi o‘sishi 9 oy davomida o‘rtacha 50 foizdan ko‘proqni tashkil qildi.