Тасдиқлайман” Магистратура бўлими бошлиғи

1.1 ЎКУВ МАШҒУЛОТЛАРИНИНГ ТУРЛАРИ:
Маъруза, амалий, лаборатория, семинар, мустакил таълим.
Маъруза – ўқитувчи томонидан ўқув материални, одатда назарий материални тизимли, кетма-кет монологик баён қилиш.
Маърузалар курси – фаннинг ўқув дастури бўйича ундаги барча мавзуларнинг асосий мазмуни қисқа ёритилган, бирламчи янги билимларни олишга қаратилган, ўқув мақсадлари келтирилган, фойдаланиладиган асосий ва қўшимча ўқув адабиётлар кўрсатилган, ўз-ўзини назорат қилишга оид саволлар туркуми, тарқатма материаллар, мавзуга тегишли таянч атама ва иборалар келтирилган нашр бўлиб, унинг номи тегишли фан номи билан аталади.
Маърузанинг мақсад ва вазифалари
Маърузанинг асосий мақсади талабалар (ўқувчилар)да мавзу юзасидан назарий тушунчалар ҳосил қилиш.
Маърузанинг асосий вазифалар:
- йўналтирувчилик - талабаларни ўқув материалининг асосий ҳолатларига, уни келгуси иш фаолиятидаги ўрни ва аҳамиятига диққат қилишларига имкон беради;
- ахборотлилик - ўқитувчи маъруза вақтида ҳолат, асосий илмий далиллар ва хулосалар моҳиятини очиб беради;
- методологиклик - маъруза вақтида ўқитиш усуллари таққосланади, илмий изланишнинг асослари намоён этилади;
- тарбияловчилик - маъруза ўқув материалига ҳиссий-баҳолаш муносабатида бўлишни уйғотиш;
- ривожлантирувчилик - билим олиш қизиқишларини, яъни мантиқий фикрлаш ва исботлаш қобилиятларини ривожлантиришга ёрдам беради.
Маъруза машғулоти
Тўлиқ (комбинацияланган) ўқув машғулоти.
Маъруза машғулоти интегратив дидактик мақсадлардан иборат бўлиб, ўқув материали бўйича билимларни фаоллаштиришга, ўзлаштириш даражаси ва кўникма ва малакаларни шаклланганлик даражасини аниқлашга; янги ўқув материалини ўзлаштиришга, тизимлаштириш ва умумлаштиришга йўналтирилган бўлади.
Машғулотнинг тузилмавий элементлари
1.Ташкилий момент.
2. Мақсад ва вазифалар билан таништириш.
3. Таянч билимларни фаоллаштириш мақсадида ўтилган мавзуни мустахкамлаш
4. Янги ўқув материали инновацион технологиялар асосида баён қилиш
5. Ўқув материалини мустаҳкамлаш ва такрорлаш.
6. Машғулот якуни.