Телекоммуникация

4G - тўртинчи авлод стандартлари

• 
  Мобил алоқа дунёсини олдинда янги имкониятларга эга бўлган технологиялар ишланмалари кутмоқда. Ҳозирги кунда ўтказилаетган тажрибалар натижалари 4G технологиялари олдига ҲТИ томонидан қўйилган талабларга эришиш мумкинлигини тасдиқламоқда. Масалан, Япониянинг NTT DoCoMo компанияси 2009 йилдаёқ мобил алоқа тармоқларини синаш жараёнида маълумотларни узатишда 5Gbit/sek тезлигига эришди, ва бунда MIMO технологиясини 12х12 схемасидан фойдаланди, мобил станция эса 10km/soat тезликда ҳаракатланди.
  
• 
  Юқорида таъкидлаб ўтиланидек, 2002 йилда ҲТИ нинг Радиоалоқа Сектори (МСЭ-R) IMT келажагини стратегик кўринишини ифодаловчи IMT-Advanced (4G) ташаббусини таклиф қилган эди. Уни ишлаб чиқиш жараёнида муносиб хизматлар яратилди, IMT-Advanced лойихасига таълуқли ишчи характеристикаларнинг талаблари ва хажми аниқланди ва уларни бахолаш услублари батафсил таёрланди. МСЭ-R нинг 5D ишчи гурухи қошида бутун дунёдан еғилган мустақил ташқи бахолаш гурухлари ёрдамида ҲТИ га 2009 йил октябрида топширилган 4G радиоинтерфейслари бўйича олтита таклиф ҳар бири алоҳида батафсил ўрганиб чиқилди. Натижада, 2010 йил ноябрида Женевада бўлиб ўтган Бутунжахон радиоалоқа конференциясида икки технология: “LTE-Advanced” ва “WirelessMAN-Advanced” IMT-Advanced технологиялар тузимининг биринчи версияси сифатида қабул қилинди.
  

CDMA-2000 стандарти

• 
  3GPP-2 лойихаси доирасида амалга оширилган тадқиқотлар натижасида CDMA-2000 оиласи таркибига кирадиган стандартлар гуруҳи ишлаб чиқилди.
  
• 
  Ўз номидан маълум қилганидек, CDMA-2000 стандартларининг оиласи (CDMA-2000 1Х – CDMA-2000 EV-DO Rel.0, CDMA-2000 EV-DO Rev.A, CDMA-2000 EV-DO Rev.B, - CDMA-2000 3X) каналларни код асосида ажратувчи – CDMA технологиясини қўллаган ҳолда қурилади.
  
• 
  CDMA технологияси ўзининг юқори спектрал самарадорлиги туфайли уяли алоқа тизимларининг иккинчи авлодидан учинчи авлодига ўтиш учун қатъий ечим бўлди.
  
• 
  CDMA-2000 стандарти cdmaOne (IS-95) тармоқларининг эволюцион ривожланишида учинчи авлоди деб ҳисобланади, ва шуни учун хам бу стандартлар тармоқлари ўзаро ишлай олади.
  
• 
  CDMA-2000 стандартлари IS-95A версиясининг асосий принципларини сақлаган ҳолда узлуксиз ривожланмокда ва такомиллашиб бормоқда. Ўзининг кейинги эволюцион ривожланишида CDMA-2000 стандартлари LTE стандарти томон харакатланмоқда.
  

• 
  CDMA-2000 1Х стандарти асосидаги мобил алоқа тизимларида 1,25 МГц кенгликдаги частоталар полосасидан фойдаланилади ва 153 кбит/с. гача бўлган маълумот узатиш тезлиги таъминланади. Бу эса товушли алоқа, қисқа хабарларни (SMS) узатиш, электрон почта ва Интернет тармоғида ишлаш, маълумот базалари билан ишлаш, маълумотлар ва ҳаракатсиз тасвирларни узатиш каби хизматларни кўрсатиш имконини беради.
  
• 
  Кейинги, CDMA-2000 EV-DO Rel.0 стандартида худди шу полоса кенглигидан фойдаланилсада, маълумот узатиш тезлиги “пастга” йўналишда 2 Мбит/с ва “юқорига” йўналишда 153 кбит/с гачани ташкил этди, ва бу стандартни 3G талабларига жавоб берадиган қилди ва реал вақт режимида видео узатиш билан бирга кўшимча хизматлар туркумини тақдим этиш имконини берди.